नवी दिल्ली : राज्यात येत्या 3 ते 4 महिन्यात मोफत वायफाय सुविधा मिळणार आहे, अशी घोषणा दिल्लीचे मुख्यमंत्री अरविंद केजरीवाल यांनी आज (गुरुवार) केली. निवडणुकांचे लक्ष्य डोळ्यासमोर ठेऊन ही घोषणा नसून, आम्ही जाहीरनाम्यात केलेल्या घोषणांची पूर्तता करत आहोत, असेही केजरीवाल यांनी सांगितले.
मुख्यमंत्री केजरीवाल यांनी पत्रकार परिषदेत ही माहिती दिली. ते म्हणाले, राज्यातील महिलांच्या सुरक्षिततेसाठी प्रत्येक विधानसभा क्षेत्रात 2 हजार सीसीटीव्ही कॅमेरे लावण्यात येणार आहेत. सीसीटीव्हीमुळे महिलांची सुरक्षा होत असून, चोरीसारख्या घटनांना आळाही बसत आहे.
याशिवाय दिल्लीत 11 हजार हॉटस्पॉट बसविण्यात येणार आहेत. 4 हजार हॉटस्पॉट हे शहरातील 4 हजार बस स्टॉपवर बसविण्यात येतील. उर्वरीत 7 हजार वायफाय हे प्रत्येक विधानसभा मतदारसंघात 100 याप्रमाणे बसविले जातील, असेही केजरीवाल यांनी सांगितले.
15 जीबी डाटाही मिळणार
या मोफत इंटरनेट योजनेतून प्रत्येक युजर्सला 15 जीबी डाटा दरमहिन्याला वापरता येईल. या इंटरनेटचा स्पीड 200 एमबीपीएस एवढा असून, पुढील 3 ते 4 महिन्यात वायफाय आणि सीसीटीव्ही सेवा सुरू होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.