- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली: देशात कोरोनाचा कोरोना रुग्णांची संख्या सप्टेंबर महिन्यात वाढताना दिसतेय. या परिस्थितीतही आता एक चांगली बातमी आली आहे. कोरोना रुग्णांची संख्या जरी वाढत असली तरी देशात रोज कोरोनाचे रुग्ण मोठ्या प्रमाणात बरे होत आहेत. जगात सध्या भारत रिकव्हरी रेटमध्ये अव्वल स्थानी पोहचला आहे.
भारतात कोरोना रुग्ण बरे होण्याचं प्रमाण म्हणजे रिकव्हरी रेट तब्बल 80 टक्क्यांच्या वर गेला आहे. मागील सलग 3 दिवसांत देशात प्रतिदिन 90 हजारांपेक्षा जास्त कोरोना रुग्ण बरे झाले आहेत. यामुळे आता कोरोना रुग्णांचा बरे होण्याचा आलेख दिवसेंदिवस वाढताना दिसतोय.
19 सप्टेंबरला देशात कोरोनाचे 93 हजार 337 नवीन कोरोनाचे रुग्ण आढळले होते तर त्यादिवशी 95 हजार 880 जण कोरोनामुक्त झाले होते. त्यानंतर 20 सप्टेंबरला 92 हजार 605 कोरोना रुग्णांचं निदान झालं होतं तर त्याच दिवशी 94 हजार 415 जणांनी कोरोनावर मात केली होती. तसेच काल (सोमवारी) 21 सप्टेंबरला कोरोनाचे देशात 86 हजार 961 रुग्ण आढळले आहेत, तर दिलासादायक बाब म्हणजे 93 हजार 356 जण कोरोनातून बरे होऊन घरी परतले आहेत.
देशात कोरोना रुग्णांचा आकडा 55 लाखांच्या वर गेला आहे. तर आतापर्यंत देशभरात कोरोनाच्या 88 हजार 858 रुग्णांचा मृत्यू झाला आहे. मागील 24 तासांत देशात 86 हजार 961 नवीन कोरोना रुग्ण आढळले आहेत.
मागील 24 तासांत देशात कोरोनाच्या 9 लाख 33 हजार 158 चाचण्या झाल्या आहेत. तर आतापर्यंत देशभरात 6 कोटी 53 लाख 25 हजार 779 कोरोना चाचण्या झाल्याची माहिती भारतीय वैद्यकीय संशोधन परिषदने ( Indian Council of Medical Research) दिली आहे.
(edited by- pramod sarawale)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.