नवी दिल्ली : भारतात कोरोना व्हायरसचा संसर्ग मोठ्या प्रमाणात होत आहे. रुग्णांची संख्याही दिवसेंदिवस वाढत आहे. त्यानंतर आता भारतात गेल्या 24 तासांत 34,884 नव्या रुणांची वाढ झाली असून, 671 रुग्णांचा मृत्यू झाला. आता कोरोनाबाधित रुग्णांची संख्या 10,38,716 झाली आहे. यातील विशेष बाब म्हणजे 6,53,751 रुग्ण कोरोनातून मुक्त झाले आहेत.
देशात कोरोनाबाधित रुग्णांचे प्रमाण मोठे आहे. बरे होणाऱ्या रुग्णांचे प्रमाणही वाढत आहे. सध्या देशात बरे होणाऱ्या रुग्णांचे प्रमाण 63.33 टक्के झाले आहे. तर गेल्या 24 तासांमध्ये 22,942 कोरोनाबाधित रुग्ण बरे झाले आहेत. देशात सध्या ऍक्टिव्ह रुग्णांची संख्या 3,58,692 वर गेली आहे.
आता त्यांच्यावर उपचारही सुरु आहेत. तर आत्तापर्यंत सहा लाखांहून अधिक कोरोनाबाधित रुग्ण बरे झाले आहेत. सध्या उपचार घेत असलेल्या रुग्णांपैकी 1.94 टक्के रुग्ण अतिदक्षता विभागात आहेत. तसेच 2.81 टक्के रुग्ण ऑक्सिजनवर आहेत, अशी माहिती केंद्रीय आरोग्य मंत्रालयाने दिली आहे.
कोरोनाबाधित रुग्णांवर सातत्याने लक्ष
सध्या कोरोनाग्रस्त रुग्णांना सरसकट रुग्णालयात दाखल केले जात नाही. कोरोना पॉझिटिव्ह आहे पण लक्षणे नसलेले किंवा सौम्य लक्षणे असलेल्या 80 टक्के रुग्णांना घरीच विलगीकरण केले जात आहे. त्यांच्यावर सातत्याने देखरेखही ठेवली जात आहे.
महाराष्ट्रात सर्वाधिक कोरोनाबाधित रुग्ण
महाराष्ट्रात आत्तापर्यंत 2.92 लाख कोरोनाग्रस्त रुग्णांची नोंद झाली आहे. यामध्ये 8308 नवे कोरोनाबाधित रुग्ण आढळले आहेत. तर गेल्या 24 तासांत 258 कोरोनाबाधित रुग्णांचा मृत्यू झाला आहे. तसेच 1,60,357 रुग्णांना उपचारानंतर घरी सोडण्यात आले आहे.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.