नूपुर शर्माला सुप्रीम कोर्टाकडून अंतरिम दिलासा; सक्तीची कारवाई न करण्याचे आदेश

नवी दिल्ली : प्रेषित मोहम्मद यांच्यावरील वक्तव्यप्रकरणी सर्वोच्च न्यायालयाने (Supreme Court) नूपुर शर्माला (Nupur Sharma) मोठा दिलासा दिला आहे. न्यायालयाने तिच्या अटकेला १० ऑगस्टपर्यंत स्थगिती दिली आहे. या प्रकरणाची पुढील सुनावणीही याच दिवशी निश्चित केली आहे. न्यायालयाने केंद्र आणि राज्यांना नोटिसा बजावल्या आहेत जिथे त्यांच्यावर गुन्हे दाखल आहेत. (Nupur Sharma Latest news)

नोटीसमध्ये न्यायालयाने (Supreme Court) राज्ये आणि केंद्र सरकारला विचारले आहे की, नूपुर शर्मा (Nupur Sharma) यांच्यावर दाखल झालेले गुन्हे एका ठिकाणी हस्तांतरित का केले जाऊ नयेत. राज्ये आणि केंद्राच्या उत्तरानंतर न्यायालयाकडून खटल्यांच्या हस्तांतरणाचा निर्णय घेतला जाईल, असे मानले जात आहे.

या प्रकरणाच्या सुनावणीदरम्यान सर्वोच्च न्यायालयाने सांगितले की, आम्ही आमच्या पूर्वीच्या आदेशात थोडी सुधारणा करतो. तुम्ही प्रत्येक कोर्टात जावे असे आम्हाला वाटत नाही. नूपुर शर्माने दाखल केलेल्या याचिकेत वेगवेगळ्या ठिकाणी ९ एफआयआर नोंदवले असून, या सर्वांची एकाच ठिकाणी बदली करावी. जेणेकरून देशातील विविध शहरात जावे लागू नये, असे म्हटले होते.

नूपुर शर्माचे (Nupur Sharma) वकील मनिंदर सिंग यांनी सांगितले की, नूपुर शर्माच्या जिवाला धोका आहे. तिला धमक्या येत आहे. यावर न्यायालयाने सांगितले की, आम्हाला तुमचे कायदेशीर पर्याय कायम ठेवायचे आहेत.