ओमिक्रॉन डेल्टालाही मागे टाकण्याची शक्यता: आरोग्य मंत्रालय

नवी दिल्ली : कोरोनाच्या सध्यस्थितीबाबत आता आरोग्य मंत्रालयाने पत्रकार परिषद घेत माहिती दिली आहे. ओमिक्रॉनमुळे एकीकडे जगाची चिंता वाढलेली असताना नीती आयोगाचे सदस्य डॉ. वी के पॉल यांनी म्हटलंय की, युरोपमध्ये कोरोना रोगाचा एक नवीन टप्पा अनुभवायला मिळतो आहे. तसेच या ओमिक्रॉनच्या प्रकरणांमध्ये प्रचंड वाढ झाली आहे. जागतिक आरोग्य संघटनेनं म्हटलंय की, दक्षिण आफ्रिकेतील डेल्टा व्हेरियंटपेक्षा (Delta variant) ओमिक्रॉन हा अधिक वेगाने पसरतोय. (Omicron is spreading faster than the Delta variant) ज्याठिकाणी डेल्टाचं संक्रमण कमी आहे, त्याठिकाणी ओमिक्रॉनची चलती दिसून येतेय. ओमिक्रॉन हा व्हेरियंट डेल्टा व्हेरियंटला मागे टाकण्याची शक्यता आहे. जागतिक आरोग्य संघटनेच्या हवाल्याने आरोग्य मंत्रालयाने आज ही महत्त्वाची माहिती दिली आहे. (Health Ministry on COVID19 situation)

आरोग्य मंत्रालयाचे सहसचिव लव अग्रवाल यांनी म्हटलंय की, ओमिक्रॉनचे रुग्ण जगातील 91 देशांमध्ये नोंदवले गेले आहेत. यांनी म्हटलंय की, सध्या भारतातील 11 राज्यांमध्ये 101 ओमिक्रॉनचे (Omicron cases ) रुग्ण आहेत. गेल्या 20 दिवसांपासून दररोज दहा हजारच्या खाली नवीन प्रकरणे नोंदवली गेली आहेत. गेल्या 1 आठवड्यातील संक्रमणाचा दर हा 0.65% होता. सध्या, देशातील एकूण सक्रिय प्रकरणांमध्ये केरळचा वाटा ४०.३१% आहे. (Lav Agrawal, Joint Secretary, Health Ministry)

अनवाश्यक प्रवास, मोठ्या प्रमाणात होणारी गर्दी जाणीवपूर्वक टाळण्याची हीच वेळ असून सण-समारंभ साजरे करताना याबाबतची काळजी घेणे फार महत्वाचे असल्याचं मत आयसीएमआरचे (ICMR) डायरेक्टर जनरल डॉ. बलराम भार्गव यांनी मांडलंय.

भारत देश जगात सर्वाधिक दराने कोरोना लसीचे डोस देत आहे आणि दररोज दिल्या जाणाऱ्या डोसचा दर यूएसएमध्ये दिल्या जाणाऱ्या डोसच्या 4.8 पट आणि यूकेमध्ये दिल्या जाणाऱ्या डोसच्या दराच्या 12.5 पट आहे, अशीही माहिती दिली आहे.