जम्मू काश्मिरात एका दहशतवाद्याचा खात्मा; ऑपरेशन चालूच

जम्मू : जम्मू काश्मिरमधील कुलगाम जिल्ह्यातील खांडीपोरा भागात दहशतवादी आणि सुरक्षा दलामध्ये चकमकी चालू आहेत. त्यामध्ये एका दहशतवाद्यांचा खात्मा सुरक्षा दलांकडून करण्यात आला आहे. रात्री उशीरा ही चकमक चालू झाली होती. पोलिस आणि सुरक्षा दलांकडून अजूनही दहशतवाद्यांचा शोध सुरू असल्याचं पोलिसांनी सांगितलं आहे.

(1 Terrorist Killed In kashmir)

दरम्यान काश्मिरातील बडगाम आणि कुलगाम जिल्ह्यात दहशतवाद्यांच्या हालचाली वाढत आहेत. अनेक दिवसांपासून काश्मिरात टार्गेट किलिंग चालू असताना दहशतवाद्यांच्या कारवाया वाढत आहेत. मागच्या काही दिवसांपूर्वी काश्मिरी पंडितांच्या लक्ष्य करून हत्या करण्यात येत होत्या. त्यानंतर काश्मिरातून पंडितांनी स्थलांतर करायला सुरूवात केली होती.

मागच्या काही दिवसांपासून काश्मिरात हिंदूंना लक्ष्य करून त्यांच्या हत्या करण्यात येत आहेत. त्यामुळे अस्थिरता निर्माण झाली आहे. राहुल भट्ट नावाच्या एका सरकारी कर्मचाऱ्याची कार्यालयात घुसून गोळ्या झाडून हत्या करण्यात आल्यावर पंडितांनी निदर्शने केले होते. त्यानंतर एका शिक्षिकेची आणि पोलिस कर्मचाऱ्यांची घरात घुसून हत्या करण्यात आली होती. तेव्हापासून काश्मिरात तणाव निर्माण झाला आहे.

या तणावपूर्ण वातावरणातही दहशतवाद्यांच्या कारवाया थांबताना दिसत नाहीत. रात्रीपासून चालू असलेल्या या कारवाईत एका दहशतवाद्याच्या खात्मा करण्यात आला असून कारवाई चालू असल्याचं पोलिसांनी सांगितलं आहे.