'लहानग्यांना आमचीच लस द्या, कारण...'; भारत बायोटेकचं आरोग्य कर्मचाऱ्यांना आवाहन

bharat biotech
bharat biotech

नवी दिल्ली : भारतात कोरोना लसीकरणाची मोहिम गतीने सुरु आहे. सध्या भारतातील 15 ते 18 वयोगटातील मुलांनाही कोरोनाची लस दिली जात आहे. या पार्श्वभूमीवर भारत बायोटेक या स्वदेशी लस निर्मिती करणाऱ्या कंपनीने एक महत्त्वाची बाब निदर्शनास आणून दिली आहे. या वयोगटातील मुलांना केवळ कोव्हॅक्सिन (Covaxin) हीच लस मान्यता प्राप्त असून त्याव्यतिरिक्त लशीचा डोस देखील देण्यात येत आहे. त्या पार्श्वभूमीवर भारत बायोटेकने (Bharat Biotech) हे आवाहन केलं आहे.

bharat biotech
धक्कादायक! नागपूरमध्ये एकाच कुटुंबातील चौघांची आत्महत्या

भारत बायोटेकने (Bharat Biotech) आरोग्य कर्मचाऱ्यांना उद्देशून एक महत्त्वाचं आवाहन केलं आहे. 15-18 वयोगटातील लोकांना भारतात मंजूर नसलेल्या कोविड लस (COVID vaccines) देण्यात येत असल्याचं निदर्शनात आणत भारत बायोटेकने म्हटलंय की, "आरोग्य सेवा कर्मचार्‍यांना विनंती करण्यात येत आहे की, केवळ 15-18 वयोगटातील व्यक्तींनाच COVAXIN दिले जाईल, याची खात्री करावी".

भारत बायोटेकने म्हटलंय की, आम्हाला अनेक व्यक्तींचे असे अहवाल प्राप्त झाले आहेत ज्यामध्ये 15-18 वर्षे वयोगटाला मान्यता नसलेली कोरोना लस दिली जात आहे. आम्ही आरोग्यसेवा कर्मचार्‍यांना नम्रपणे विनंती करतो की, त्यांनी अत्यंत सतर्क राहावे आणि केवळ 15-18 वयोगटातील व्यक्तींनाच COVAXIN लसच दिली जाईल, याची खात्री बाळगावी.

bharat biotech
विशाल फटेला 10 दिवसांची पोलीस कोठडी!

2-18 वयोगटातील मुलांची सुरक्षितता आणि रोगप्रतिकारक शक्ती याचा आढावा घेऊनच संपूर्ण क्लिनिकल चाचणीच्या मूल्यांकनाच्या आधारे COVAXIN ला मान्यता मिळाली आहे. सध्या भारतात मुलांसाठी मंजूर झालेली ही एकमेव COVID-19 लस आहे. महामारीच्या काळात आमच्या आरोग्यसेवा कर्मचार्‍यांनी आमच्या देशासाठी केलेल्या उत्तम सेवेबद्दल आम्ही त्यांचे आभारी आहोत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com