प्रशांत किशोर यांचा निवडणूक आयोगाला सल्ला; म्हणाले, 'कोरोना असताना....' | Sakal
sakal

बोलून बातमी शोधा

Prashant Kishore

प्रशांत किशोर यांचा निवडणूक आयोगाला सल्ला; म्हणाले, 'कोरोना असताना....'

नवी दिल्ली : येत्या काही दिवसांवरच पाच राज्यातील विधानसभेच्या निवडणुका येऊन ठेपल्या आहेत. या पार्श्वभूमीवर आता भारतीय निवडणूक आयोग (Election Commission of India - ECI) या पाच राज्यांमधील आगामी विधानसभा निवडणुकांचे वेळापत्रक जाहीर करण्याची शक्यता आहे. याच्या काही दिवस आधीच, निवडणूक रणनीतीकार प्रशांत किशोर (Prashant Kishor) यांनी आज शुक्रवारी ट्विटरवर एक महत्त्वाचं विधान केलं आहे. त्यांनी निवडणूक आयोगाला एक सल्ला दिला आहे. मतदान पार पाडण्यासाठी त्यांनी 'एकमेव सुरक्षित मार्ग' सांगितला आहे. एकीकडे देशात कोरोना रुग्णांची (Covid-19 infections) संख्या पुन्हा वाढीस लागलेली असताना त्यांनी या पार्श्वभूमीवर पाच राज्यांतील निवडणुकांसंदर्भात निवडणूक आयोगाला महत्त्वाचा सल्ला दिला आहे.

“निवडणूक आयोगाने या पाच राज्यांमध्ये किमान 80% लोकांसाठी लसींच्या दोन्ही डोसचा आग्रह धरला पाहिजे. या भयंकर महामारीच्या काळात निवडणूक घेण्याचा हाच एकमेव सुरक्षित मार्ग आहे. कोरोना सुयोग्य वर्तनासाठी मार्गदर्शक तत्त्वे असूनही जर त्याचं अनुसरण केलं जाणार नसेल तर ती गोष्ट हास्यास्पद आहे,” असं किशोर यांनी ट्विटरव म्हटलंय.

एकीकडे निवडणूक पॅनेलने त्यांच्या तयारीचा आढावा घेण्यासाठी तसेच संबंधित राज्यांमधील कोविड-19 परिस्थितीचा आढावा घेण्यासाठी या राज्यांना भेटी दिल्या आहेत. त्याच्या पार्श्वभूमीवरच आता किशोर यांचं हे ट्विट समोर आलंय. गेल्या वर्षी डिसेंबरमध्ये, मुख्य निवडणूक आयुक्त (CEC) सुशील चंद्र यांच्या नेतृत्वाखाली अधिकार्‍यांनी, निवडणुका होणार्‍या पाच राज्यांपैकी एक असलेल्या उत्तर प्रदेशला भेट दिली होती आणि प्रमुख राजकीय पक्षांशी सल्लामसलत केली होती. उत्तर प्रदेश व्यतिरिक्त, गोवा, मणिपूर, पंजाब आणि उत्तराखंड या चार राज्यांमध्ये निवडणुका होणार आहेत. एकीकडे कोरोनाचे रुग्ण वाढत असून राजकीय पक्षांनी मात्र सभा घेण्याचा सपाटा सुरुच ठेवला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top