नवी दिल्ली : ससदेच्या दोन्ही सभागृहांमध्ये प्रदीर्घ चर्चा आणि मतविभाजनानंतर संमत झालेल्या वक्फ दुरुस्ती विधेयकाच्या विरोधात आता विरोधी पक्षांनी सर्वोच्च न्यायालयात धाव घेतली आहे. काँग्रेसचे खासदार मोहम्मद जावेद यांनी आणि ‘एमआयएम’ चे खासदार असदुद्दीन ओवेसी यांनी याबाबत सर्वोच्च न्यायालयात याचिका दाखल केली आहे. काँग्रेस पक्ष देखील या विधेयकाला सर्वोच्च न्यायालयात आव्हान देणार असल्याचे सरचिटणीस जयराम रमेश यांनी जाहीर केले.