ओशोंच्या आश्रमात घोटाळा? अनुयायांनी घेतली रामदास आठवलेंची भेट

पुण्यातील प्रसिद्ध ओशो आश्रमाच्या भुखंड घोटाळा झाला असल्याचा गंभीर आरोप ओशोच्या अनुयायांनी केला आहे. या घोटाळ्यात ओशो आश्रमाचे संचालकंचा समावेश असल्याचे देखील तक्रारदारांकडून सांगण्यात आले आहे. या प्रकरणाचा तपास व्हावा अशी मागणी ओशोच्या अनुयायांनी यापुर्वी देखील केली होती. याच प्रकरणात आता अनुयायांच्या शिष्टमंडळाने केंद्रीय मंत्री रामदास आठवले यांची भेट घेतली.

ओशो आश्रमात झालेल्या गैरव्यवहाराप्रकरणी गेल्या अनेक दिवसांपासून अनुयायांनी अनेक वेळा या प्रकरणाची चौकशी व्हावी अशी मागणी केली होती. याच प्रकरणात आता केंद्र सरकारने लक्ष घालावे ही मागणी घेऊन ओशो अनुयायांनी रिपाइंचे राष्ट्रीय उपाध्यक्ष कृष्ण शुक्ला यांच्या उपस्थितीत केंद्रीय मंत्री रामदास आठवले यांची भेट घेतली. यावेळी ओशो फाउंडेशनचे व्यवस्थापकिय विश्वस्त योगेश ठक्कर उपस्थित होते. यावेळी ओशो आश्रमात सुरु असलेले गैरव्यवहार आणि आर्थिक व्यवहाराकडे लक्ष घालावे अशी मागणी केली. ओशो आश्रम केंद्र सरकारला मिळणारा मोठा महसूल ओशो आश्रम बुडवला जात असल्याता देखील आरोप करण्यात आला आहे.

पुण्यातील कोरोगाव पार्कची ओशो आश्रमात जवळपास २० एक्कर जमीन आहे. ही जमीण परस्पर विकली जात असून, त्याचा पैसा परदेशात पाठवला जात असल्याचा आरोप अनुयायांकडून करण्यात आलेला आहे. तसेच पुण्यातील आश्रम परिसरात असणारी बुद्धांची मुर्ती सुद्धा संचालकांनी हालवली असून, परत बुद्ध मुर्तीची स्थापना करण्यात यावी अशी मागणी अनुयायांनी केंद्रीय मंत्री रामदास आठवले यांच्याकडे केली आहे.

ओशो आश्रमाची प्रशासकीय संस्था ही ओशो इंटरनॅशनल फाउंडेशन आहे. या संस्थेची नोंदणी महाराष्ट्र पब्लिक ट्रस्टतंर्गत आहे. या संस्थेत कार्यरत असलेल्या पदाधिकाऱ्यांनी परकील चलन प्रतिबंधक कायद्याचे उल्लंघन केले आहे. या व्यवहाराची पोलिसांनी सखोल चौकशी केल्यास त्यातून किमान एक हजार कोटी रुपयांचा गैरव्यवहार पुढे येऊ शकेल, असे फाउंडेशनचे व्यवस्थापकीय विश्वस्त योगेश ठक्कर यांनी यापुर्वीही नमूद केले आहे.