पेशावर : पाकिस्तानच्या उत्तर भागात प्रचंड प्रमाणात कोसळणाऱ्या पावसामुळे मोठी जीवितहानी झालेली असतानाच या भागासह देशभरात आणखी जोराचा पाऊस पडणार असल्याचा इशारा येथील हवामान विभागाने दिला आहे. शनिवारपासून सुरू असलेल्या पावसामुळे झालेल्या विविध अपघातांत मृत्युमुखी पडलेल्यांची संख्या ३२७ झाली आहे. तसेच, पाकिस्तानात २६ जूनपासून कोसळणाऱ्या मॉन्सूनच्या पावसामुळे आतापर्यंत ६५० हून अधिक जणांचा मृत्यू झाला आहे.