पलावल: कोरोना काळ (corona) आणि सार्वजनिक आरोग्यासाठी आणीबाणीची स्थिती (public health emergency) असताना हरयाणातील (Haryana) एका गावामध्ये चिंताजनक स्थिती आहे. पलावल पासून २० किमी अंतरावर असलेल्या चिली गावामध्ये आरोग्य अधिकाऱ्यांनी तळ ठोकला आहे. या गावामध्ये मागच्या तीन आठवड्यात सात मुलांचा मृत्यू (children death) झाला आहे. ही सर्व मुलं १४ वर्षापेक्षा कमी वयोगटातील आहेत.
एकाच गावात लहान मुलांचे एकापाठोपाठएक इतके मृत्यू झाल्याने गावात भीतीचे वातावरण आहे. आजाराचे निदान आणि मृत्यूचे नेमके कारण शोधण्यासाठी आरोग्य अधिकाऱ्यानी या गावामध्ये तळ ठोकला आहे. डेंग्यु, न्यूमोनिया, गॅस्ट्रो ते स्वच्छतेअभावी मच्छरांपासून होणारे आजार अशा वेगवेगळ्या शक्यता व्यक्त केल्या जात आहेत. डेंग्युच्या साथीमुळे इतके मृत्यू झाल्याचा रहिवाशांचा दावा आहे. इंडियन एक्स्प्रेसने हे वृत्त दिले आहे.
आरोग्य यंत्रणेच्या टीममध्ये साथरोगतज्ज्ञ, विज्ञान अधिकारी आणि आरोग्य निरीक्षकांचा समावेश आहे. ते आजाराच्या पॅटर्नचा अभ्यास करत आहेत. पण अजूनपर्यंत हे मृत्यू कशामुळे झाले, ते ठोसपणे सांगितलेले नाही. गावात अस्वच्छतेमुळे उदभवणाऱ्या वेगवेगळ्या आजारांमधुन हे मृत्यू झाल्याची एक शक्यता यंत्रणेने वर्तवली आहे.
दारोदार केलेल्या सर्वेमध्ये मागच्या २० दिवसात सात मृत्यू झाल्याचे आढळून आले आहे. गावचे रहिवाशी आणि सरपंचांनी नऊ मुलांचा मृत्यू झाल्याचा दावा केला आहे. "आम्ही डेंग्युची शक्यता फेटाळलेली नाही. पण सध्याच्या घडीला आम्ही गावातून गोळा केलेल्या नमुन्यांमध्ये एकही डेंग्यु पॉझिटिव्ह नमुना आढळलेला नाही" असे पलावलचे मुख्य वैद्यकीय अधिकारी डॉ. ब्रह्मदीप संधु यांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.