पटना - मागील काही दिवसांपासून बुलडोझर कारवाई चर्चेत आली आहे. आरोपींच्या घरांवर बुलडोझर चालविण्यात आले होते. अशीच एक घटना आता बिहारमधून समोर आली आहे. मात्र बिहारमधील घटनेमुळे उच्च न्यायालयाने बिहार पोलिसांना बुलडोझर कारवाईवरून फटकारलं आहे. तसेच तुम्ही एखाद्या व्यक्तीचं प्रतिनिधीत्व करत आहात की, राज्याचं असा संतप्त सवालही न्यायालयाने विचारलं आहे.
तमाशा लावलाय का, असा संतप्त सवाल न्यायालयाने विचारला. तसेच न्यायालयाने म्हटलं की, चुकीच्या पद्धतीने घर पाडण्यात आले असेल तर संबंधितांना प्रत्येकी पाच लाख रुपये अधिकाऱ्यांच्या खिशातून दिले जातील, याची खातरजमा करण्यात येईल. आता पोलीस आणि सीईओ लाच घेऊन घर पाडत आहेत, हे सगळं थांबवायला हवं, असं याचिकाकर्त्याच्या वकिलाने म्हटलं आहे. या प्रकरणाच्या पुढील सुनावणीच्या वेळी न्यायाधीशांनी वरिष्ठ पोलिस अधिकाऱ्याला हजर राहण्यास सांगितले आहे.
या प्रकरणाची सुनावणी 24 नोव्हेंबर रोजी झाली होती, मात्र शनिवारी या कारवाईचा व्हिडिओ सोशल मीडियावर मोठ्या प्रमाणात शेअर करण्यात आला. जेव्हा याचिकाकर्त्याच्या वकिलाने कोर्टाला सांगितले की, भूमाफियांच्या सांगण्यावरून जमीन रिकामी करण्यास भाग पाडल्याबद्दल याचिकाकर्ते आणि त्यांच्या कुटुंबातील सदस्यांविरूद्ध खोटा गुन्हा दाखल करण्यात आला आहे, तेव्हा न्यायाधीशांनी सांगितले की आम्ही याचिकाकर्त्याच्या संरक्षणाची काळजी घेऊ.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
