Kerala : PFI विरोधातील कारवाईचे हिंसक पडसाद; वाहनांच्या तोडफोडीसह भाजप कार्यालयावर हल्ला | Sakal
sakal

बोलून बातमी शोधा

Popular Front of India vs NIA

तिरुवनंतपुरममध्ये कार आणि ऑटो रिक्षांची तोडफोड करण्यात आली आहे.

Kerala : PFI विरोधातील कारवाईचे हिंसक पडसाद; वाहनांच्या तोडफोडीसह भाजप कार्यालयावर हल्ला

तिरुवनंतपुरम : पॉप्युलर फ्रंट ऑफ इंडियानं (Popular Front of India PFI) एनआयएच्या (NIA) नेतृत्वाखाली विविध एजन्सींनी गुरुवारी त्यांची कार्यालयं, नेत्यांची घरं आणि इतर ठिकाणी टाकलेल्या छाप्यांचा निषेध करण्यासाठी 23 सप्टेंबर रोजी संपाची हाक दिली आहे. पीएफआयनं आज केरळमध्ये (Kerala) बंद पुकारला आहे.

यादरम्यान केरळमधील तिरुवनंतपुरममध्ये (Thiruvananthapuram) कार आणि ऑटो रिक्षाची तोडफोड करण्यात आली, तर तामिळनाडूतील कोईम्बतूरमध्ये पीएफआयनं सदस्यांच्या अटकेनंतर हिंसक निदर्शनं केली आहेत. यादरम्यान भाजपच्या कार्यालयावरही हल्ला करण्यात आला आहे. भाजप (BJP) कार्यालयावर पेट्रोल बॉम्ब फेकल्याचा आरोप कार्यकर्त्यांनी केला आहे. या संपूर्ण घटनेनंतर भाजप कार्यालयाबाहेर पोलीस बंदोबस्त तैनात करण्यात आला आहे. एनआयए आणि ईडीचे हे छापे पीएफआयनं देशातील दहशतवादी कारवायांना कथित समर्थन केल्याच्या संदर्भात टाकले आहेत.

हेही वाचा: Delhi : CM शिंदेंनी रात्री उशिरा घेतली अमित शाहांची भेट; राजकीय चर्चांना उधाण

केरळमध्ये सर्वाधिक 22 पीएफआय कार्यकर्त्यांना अटक

एनआयए आणि इतर एजन्सींनी गुरुवारी 15 राज्यांमध्ये 93 ठिकाणी एकाच वेळी छापे टाकले. यावेळी पीएफआयचे 106 नेते आणि कार्यकर्त्यांना अटक करण्यात आली. केरळमध्ये सर्वाधिक 22 पीएफआय कार्यकर्त्यांना अटक करण्यात आली. अटक करण्यात आलेल्यांमध्ये त्यांचे अध्यक्ष ओएमए सलाम यांचाही समावेश आहे. भाजपच्या केरळ युनिटनं पीएफआय विरुध्द कठोर कारवाई करण्याची मागणी सरकारकडं केली आहे. दरम्यान, पीएफआयनं आज (शुक्रवार) पुकारलेल्या बंदच्या पार्श्वभूमीवर केरळ पोलिसांनी राज्यात सुरक्षा व्यवस्था वाढवली आहे. कायदा व सुव्यवस्था राखण्याच्या सूचना जिल्हा पोलीस प्रमुखांना देण्यात आल्या आहेत. पोलिसांनी जारी केलेल्या निवेदनानुसार, कायदा मोडणाऱ्यांवर कडक कारवाई केली जाणार आहे.

हेही वाचा: काँग्रेसला संसदेत मोठा झटका; दोन महत्त्वाच्या समित्यांची जबाबदारी काढून घेण्याची शक्यता!

Web Title: Pfi Calls Bandh Today In Kerala Attack In Bjp Office Coimbatore Nia Ed Raids

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BjpKeralaED ActionNIA