PM Kisan Samman Scheme : किसान सन्मानचे लाभार्थी वाढले; देशात ‘एनडीए’ तिसऱ्यांदा सत्तेत आल्यानंतर २५ लाखांची वाढ

नवी दिल्ली : शेतकऱ्यांना वार्षिक सहा हजार रुपयांचे अर्थसाहाय्य देणाऱ्या पीएम किसान सन्मान योजनेच्या लाभार्थ्यांच्या संख्येत मागील वर्षाच्या तुलनेत यंदा तब्बल ५० लाखांनी वाढ झाली आहे..यातील निम्मे म्हणजेच २५ लाख लाभार्थी केंद्रात राष्ट्रीय लोकशाही आघाडीचे (एनडीए) सरकार तिसऱ्यांदा सत्तेत आल्यानंतर जोडण्यात आले आहेत. सूत्रांनी दिलेल्या माहितीनुसार कृषी सन्मान निधीमध्ये शेतकऱ्यांना जोडण्यासाठी राज्यांना विशेष मोहीम सुरू करण्यासाठी सांगण्यात आले आहे..केंद्र सरकारची महत्वाकांक्षी किसान सन्मान निधी योजना १ डिसेंबर २०१८ ला सुरू झाली होती. यामध्ये दर चार महिन्यांनी दोन हजार रुपये याप्रमाणे वार्षिक सहा हजार रुपये लाभार्थी शेतकऱ्यांच्या बँक खात्यात जमा होत आहेत. २०२४-२५ च्या ऑगस्ट ते नोव्हेंबर याच महिन्यांदरम्यान १० कोटी ३२ लाख ८६ हजार ०३५ शेतकऱ्यांना पीएम किसान निधीचा हप्ता देण्यात आला..मागील वर्षी २०२३-२४ मध्ये ऑगस्ट – नोव्हेंबर या कालावधीत ९ कोटी ७९ लाख ८३ हजार ००१ शेतकऱ्यांना अर्थसाहाय्य देण्यात आले होते. लोकसभा निवडणुकीआधी संसदेच्या अर्थसंकल्पी अधिवेशनादरम्यान फेब्रुवारीमध्ये सरकारने संसदेत दिलेल्या माहितीनुसार किसान सन्मान निधीच्या लाभार्थ्यांची संख्या २०२३-२४ मध्ये १०.७३ कोटींवरून ९.२१ कोटींपर्यंत घटली होती. ही घट १४ टक्क्यांची होती..त्यापार्श्वभूमीवर लाभार्थ्यांच्या संख्येत ५० लाखांनी वाढ झाल्याचे दिसून येते. वार्षिक सहा हजार रुपये अर्थसहाय्यासाठी विद्यमान आर्थिक वर्षात सरकारने ६० हजार कोटी रुपयांची तरतूद केली आहे.शेतकरी नेमके किती?कृषिमंत्री शिवराजसिंह चौहान नव्या बदलासाठी विशेष आग्रही आहेत. कृषी, सहकार क्षेत्रातील संस्थांच्यामार्फत अधिकाधिक शेतकऱ्यांना पीएम किसान सन्मान योजनेशी जोडावे असे राज्यांना सांगण्यात आले आहे. यासाठी विशेष मोहीम सुरू करण्याबाबत राज्यांच्या कृषिमंत्र्यांना पत्र पाठविण्यात आल्याचे समजते..लोकसभा निवडणुकीनंतर लगेच हरियाना, महाराष्ट्र, झारखंड राज्यांच्या विधानसभा निवडणुका होणार असल्याने या राज्यांमध्ये नव्या शेतकऱ्यांना जोडण्याची मोहीम सुरू झाली नव्हती. आता तेथेही या मोहिमेसाठी राज्य सरकारांना सांगण्यात आल्याचे कळते. महिला शेतकरी, पुरुष शेतकरी, विभाजित कुटुंब असले तरी सर्वांना यात जोडण्याचा आणि यातून शेतकऱ्यांची अचूक संख्या मिळविण्याचा सरकारचा प्रयत्न आहे..Mallikarjun Kharge : भाजपकडून हिंसाचाराला प्रोत्साहन : खर्गे.महिला लाभार्थी अधिककृषी मंत्रालयाच्या म्हणण्यानुसार किसान सम्मान निधी योजनेच्या दर चार लाभार्थ्यांपैकी एक लाभार्थी महिला शेतकरी आहे. आता त्यापार्श्वभूमीवर कृषी मंत्रालयाच्या सूत्रांनी सांगितले की या योजनेमध्ये लवचिकता आणून लाभार्थ्यांना वगळण्याऐवजी नव्या लाभार्थ्यांना जोडण्यासाठी प्रयत्न सुरू झाले आहेत. केंद्रात तिसऱ्यांदा सरकार स्थापन झाल्यानंतर १०० दिवसांमध्ये याची आखणी झाल्यानंतर अल्पावधीत (नोव्हेंबरपर्यंत) २५ लाख नव्या शेतकऱ्यांना जोडण्यात आले असून जानेवारीपर्यंत १ कोटी शेतकऱ्यांना जोडण्याचे उद्दिष्ट ठरविले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

PM Kisan Samman Scheme : किसान सन्मानचे लाभार्थी वाढले; देशात ‘एनडीए’ तिसऱ्यांदा सत्तेत आल्यानंतर २५ लाखांची वाढ

Related Stories

PM Kisan Yojana: पीएम किसान योजनेबाबत केंद्र सरकारची मोठी अपडेट; जाणून घ्या २,००० रुपये कधी मिळणार?

PM-Kisan Samman Nidhi: पीएम किसान योजनेचा २३वा हप्ता रखडणार? नवे नियम काय आहेत?