

PM Narendra Modi
esakal
नवी दिल्लीः भारतातील कॉर्पोरेट क्षेत्रावर तीव्र शब्दांत टीका करताना पंतप्रधान नरेंद्र मोदी यांनी गुरुवारी उद्योगपतींना सुनावले. उद्योगजगताने सरकारच्या कर सवलतींचा सर्व फायदा स्वतःच्या खिशात घातला, परंतु नवीन नोकऱ्या निर्माण केल्या नाहीत किंवा कर्मचाऱ्यांचे पगारही वाढवले नाहीत, अशा शब्दांत मोदींनी फटकारले.
नवी दिल्लीतील भारत मंडपम येथे फेडरेशन ऑफ इंडियन चेंबर्स ऑफ कॉमर्स अँड इंडस्ट्रीच्या स्थापनेला १०० वर्षे पूर्ण झाल्यानिमित्त आयोजित कार्यक्रमात पंतप्रधान मोदी बोलत होते. अनेक बडे उद्योगपती समोर बसलेले असताना पंतप्रधानांनी पहिल्यांदाच व्यवसायिक नेत्यांना इतक्या कठोर शब्दांत खडेबोल सुनावले.