सुगा झाले पंतप्रधान; PM मोदींनी जपानी भाषेत दिल्या शुभेच्छा!

पंतप्रधान नरेंद्र मोदी यांनी जपानचे नव नियुक्त पंतप्रधान योशिहिडे सुगा यांचे अभिनंदन केले आहे. विशेष म्हणजे मोदींनी इंग्रजीसह जपानी भाषेत ट्विट करत सुगा यांना शुभेच्छा दिल्या आहेत. मोदींनी ट्विटमध्ये लिहिलंय की,  जपानच्या पंतप्रधानपदी नियुक्ती झाल्याबद्दल तुमचे खूप खूप आभार. इंडो-जपान यांच्यातील द्विपक्षीय संबंध अधिक दृढ करुन विशेष रणनिती आखण्यासाठी संयुक्तपणे काम करु. 

शेतकऱ्याचा मुलगा झाला जपानचा पंतप्रधान

भारत आणि जपान यांच्यातील द्विपक्षिय संबंध चांगले आहेत. नुकताच भारताने अमेरिका, फ्रांस, दक्षिण कोरिया, सिंगापूर आणि ऑस्ट्रेलिया या राष्ट्रांप्रमाणे जपानसोबत संरक्षणसंदर्भातील खास करार केला होता. उभय देशांत सैन्यबळाची पूर्तता आणि त्यासंबधी साहित्य आदान-प्रदानाबाबत करार झाला आहे.  युद्धपरिस्थिती निर्माण झालीच तर भारत आणि जपान हे एकमेकांना मदत देऊ करतील. या करारामुळे सीमारेषेवर कुरापती करणाऱ्या चीनविरोधात भारताची ताकद वाढण्यास मदत होणार आहे.  

जपानसोबतच्या 'डील'चा भारताला चीनविरोधात होणार फायदा

जपानच्या सत्ताधारी पक्षाचे नेते आणि माजी पंतप्रधान अबे यांनी प्रकृती अस्वस्थामुळे पदाचा राजीनामा दिला होता. त्यानंतर  योशिहिडे सुगा यांची पंतप्रधानपदी नियुक्ती झाली आहे. सुगा यांना लोवर हाऊसमध्ये 462 पैकी 314 मते मिळाली. सभागृहात सत्ताधारी पक्षाचे बहुमत आहे. त्यामुळे सुगा यांचा सहज विजय झाला.