भारताच्या ७९व्या स्वातंत्र्यदिनानिमित्त लाल किल्ल्यावरून देशाला संबोधित करताना पंतप्रधान नरेंद्र मोदी यांनी अमेरिकेचे माजी राष्ट्राध्यक्ष डोनाल्ड ट्रम्प यांच्या टॅरिफ धोरणाला सडेतोड प्रत्युत्तर दिले. “भारताचे शेतकरी, मच्छीमार आणि पशुपालक यांच्या हिताविरुद्ध कोणतेही धोरण आले, तर मोदी एक भक्कम भिंत बनून त्याच्या समोर उभा आहे,” असे ठामपणे सांगत त्यांनी भारताच्या हितांचे रक्षण करण्याचा निर्धार व्यक्त केला.