ओमिक्रॉनची भीती! पंतप्रधान नरेंद्र मोदींचा UAE दौरा पुढे ढकलला

नवी दिल्ली: कोरोना व्हायरसच्या (Coroana Virus) अत्यंत संसर्गजन्य ओमिक्रॉनच्या (Omicron Count In India) रूग्णांमध्ये जगभरात वाढ होत आहे. दरम्यान, 6 जानेवारी रोजी नियोजित असलेला पंतप्रधान नरेंद्र मोदी (PM Narendra Modi Visit To UAE) यांचा संयुक्त अरब अमिराती (UAE) चा नियोजित दौरा पुढे ढकलण्यात आला आहे. पंतप्रधान ६ जानेवारीला आखाती राष्ट्राला भेट देणार होते, अशी माहिती सूत्रांनी दिली. 2022 मधील त्यांची ही पहिलीच विदेश यात्रा होती. (Prime Minister Narendra Modi Visit To UAE Postponed. )

दोन्ही देश त्यांच्या राजनैतिक संबंधांची 50 वर्षे साजरा करणार आहे, त्यादृष्टीने धोरणात्मकदृष्ट्या हा दौऱ्याचे नियोजन करण्यात आले होते. मात्र, वाढत्या कोरोनाच्या रूग्णांमुळे मोदींचा हा दौरा पुढे ढकलण्यात आला आहे. डेल्टा स्ट्रेन पेक्षा जास्त संक्रमणक्षम असलेल्या कोरोनाव्हायरसच्या ओमिक्रॉन प्रकाराच्या वाढत्या प्रकरणांमुळे संपूर्ण भारत आणि जगभर चिंता निर्माण झाली आहे.

डेल्टामुळे आली होती दुसरी लाट

एप्रिल-मे दरम्यान आलेल्या डेल्टा स्ट्रेनमुळे (Delta Strain) जगभरात कोरोनाची दुसरी लाट (Corona Second Wave) आली होती. यामुळे अनेक राज्यांमधील आरोग्या यंत्रणेवर परिणाम झाला होता, तसेच नागरिकांना अनेक समस्यांना सामोरे जावे लागले होते. दरम्यान, दक्षिण अफ्रिकेत आढळून आलेल्या ओमिक्रॉन व्हेरिएंटची लागण झालेल्या रूग्णांची संख्या जवळपास 800 च्या घरात नोंदविली गेली आहेत. (Omicron Cases In India)