बाबांचा जप कोरोना पळविण्यासाठी का! प्रशांत भूषण यांची मोदींवर टीका

नवी दिल्ली : संत रविदास जयंती आज बुधवारी (ता.१६) साजरी केली जात आहे. यानिमित्त दिल्लीतील करोल बाग येथील श्री गुरु रविदास विश्राम धाम मंदिरात भाविकांबरोबर पंतप्रधान नरेंद्र मोदी (Narendra Modi) यांनी भजनामध्ये सामील झाले. तसेच त्यांनी मंदिरात प्रार्थनाही केली. याबाबत सोशल मीडियावर प्रतिक्रिया येत आहेत. प्रसिद्ध वकील प्रशांत भूषण (Prashant Bhushan) यांनी मोदींवर यावरुन टीका केली आहे. मोदींचा भाविकांबरोबरच व्हिडिओ ट्विट करुन भूषण म्हणतात, या बाबांचा (मोदी) जप कोरोना पळविण्यासाठी आहे, की सपा (समाजवादी पक्ष) पळविण्यासाठी? (Prashant Bhushan Criticize PM Narendra Modi Over Religion Politics)

या प्रशांत भूषण यांच्या ट्विटला अनेकांनी प्रतिक्रिया दिल्या आहेत. मतासाठी काय काय करावे लागत आहे पतंप्रधान यांना. त्यांनी काही चांगले कामे केली असते तर एवढी मेहनत त्यांना करावी लागली नसती, असे एकाने प्रतिक्रिया नोंदविली आहे. आगामी निवडणुकीत भाजप तूनतुने वाजणार, अशा शब्दात दुसऱ्याने भविष्य वर्तवले.