गर्भवती महिलेवर सामूहिक बलात्कार, बेशुद्धावस्थेत सोडलं रेल्वे रुळावर

पाटणा: एका गर्भवती महिलेवर सामूहिक बलात्कार (Pregnant woman gangraped) झाल्याची धक्कादायक घटना घडली आहे. पीडीत महिला पाटना जंक्शनजवळच्या (Patna Junction) रेल्वे रुळावर बेशुद्धावस्थेत (unconscious on a railway track) सापडली. या प्रकरणी एकूण तीन आरोपींविरोधात (Accused) गुन्हा नोंदवण्यात आला असून दोघांना अटक करण्यात आली आहे. न्यूज १८ ने हे वृत्त दिले आहे. बिहारच्या पाटना शहरात ही घटना घडली आहे.

शनिवारी रात्री पीडीत महिला फिरण्यासाठी म्हणून घराबाहेर पडली होती. त्यावेळी त्या परिसरातील दोन युवकांनी तिच्यासोबत गैरवर्तन केले. त्यांनी तिचे तोंड बंद केले व तिला जवळच्या शेतात घेऊन गेले. त्या दोघांनी तिसऱ्या आरोपीला तिथे बोलावले व तिघांनी मिळून महिलेवर बलात्कार केला.

महिलेने विरोध केल्यानंतर आरोपींनी तिला मारहाण केली. त्यानंतर तिन्ही आरोपी रेल्वे रुळावर तिला बेशुद्धावस्थेत सोडून तिथून पसार झाले. महिलेला शुद्ध आल्यानंतर तिने आरडाओरडा केला. त्यानंतर रेल्वे पोलीस तिथे आले. ते पीडीत महिलेला पोलीस स्टेशनमध्ये घेऊन आले. पीडीत महिलेची वैद्यकीय तपासणी करण्यात आली. तिची जबानी पोलिसांनी नोंदवली आहे. सोमवारी कोर्टात तिची जबानी नोंदवण्यात येईल. सध्या पोलीस तिसऱ्या आरोपीचा शोध घेत आहेत आणि पुढील तपास सुरु आहे.