पक्षातील नेते साथ सोडत असताना राहुल गांधी पुन्हा परदेश दौऱ्यावर

Rahul Gandhi
Rahul Gandhiesakal
Summary

राहुल गांधी परदेश दौऱ्यावर असताना काँग्रेसमधील अनेक बड्या नेत्यांनी पक्षाला सोडचिठ्ठी दिलीय.

नवी दिल्ली : गुजरात विधानसभा निवडणुकीपूर्वी (Gujarat Assembly Election) काँग्रेसमधील (Congress) बडे नेते पक्षाला सोडचिठ्ठी देत आहेत. त्यातच आता राहुल गांधी देखील परदेश दौऱ्यावर निघून गेले आहेत. राहुल गांधी (Rahul Gandhi) काल तिथल्या भारतीयांना संबोधित करण्यासाठी लंडनला (London) रवाना झालेत. मिळालेल्या माहितीनुसार, काँग्रेसचे माजी अध्यक्ष राहुल गांधी 'आयडियाज फॉर इंडिया' या परिषदेत सहभागी होणार आहेत.

काँग्रेस मीडिया विभागाचे प्रमुख आणि सरचिटणीस रणदीप सुरजेवाला (Randeep Surjewala) यांनी सांगितलं की, राहुल गांधी अनिवासी भारतीयांशीही देशाच्या वर्तमान आणि भविष्याबाबत संवाद साधतील. 23 मे रोजी राहुल गांधी केंब्रिज विद्यापीठात (Cambridge University) 'आधुनिक भारतासाठी आव्हानं आणि मार्ग' या विषयावर उपस्थित लोकांशी संवाद साधणार आहेत. लंडनमध्ये आज 'आयडियाज फॉर इंडिया' हा कार्यक्रम होणार आहे. या कार्यक्रमाला काँग्रेस नेते सलमान खुर्शीद आणि प्रियांक खर्गे हे देखील उपस्थित असणार आहेत.

Rahul Gandhi
यापुढं RSS कोणत्याही मंदिर-मशीद वादात उतरणार नाही; संघ परिवाराचं सूचक विधान

दरम्यान, राहुल गांधी परदेश दौऱ्यावर असताना काँग्रेसमधील अनेक बड्या नेत्यांनी पक्षाला सोडचिठ्ठी दिलीय. त्यामुळं पक्षात सध्या चिंतेचं वातावरण आहे. गुजरात विधानसभा निवडणुकीच्या तयारीत भारतीय जनता पक्ष पूर्णपणे गुंतला असताना हार्दिक पटेल (Hardik Patel) यांनी काँग्रेसची साथ सोडलीय. यापूर्वी काँग्रेसचे माजी पंजाब युनिट प्रमुख सुनील जाखड यांनी देखील क्षाला सोडचिठ्ठी दिलीय. त्याचवेळी काँग्रेसनं निवडणूक रणनीतीकार प्रशांत किशोर (Prashant Kishor) यांच्याशी मॅरेथॉन चर्चा केली. त्यांनी पक्षाच्या समितीत सहभागी होण्याची ऑफर नाकारलीय. यानंतर 2024 च्या लोकसभा निवडणुकीपूर्वी संघटना मजबूत करण्याच्या दृष्टीनं काँग्रेसनं उदयपूर, राजस्थान इथं चिंतन शिबिराचं आयोजन केलंय.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com