esakal | काँग्रेसला बसणार मोठा धक्का? २५ आमदार दिल्लीत दाखल

बोलून बातमी शोधा

Rajasthan government teeters to collapse as Deputy CM Sachin Pilot arrives in Delhi with 25 MLAs

राजस्थानमधील काँग्रेसच्या सत्तेला राजकीय हादरे बसणार असल्याचे चित्र सध्या जाणवू लागले आहे. काँग्रेसचं सरकार पाडण्यासाठी भाजपकडून घोडेबाजाराचा प्रयत्न सुरू असल्याचा धक्कादायक आरोप राजस्थानचे मुख्यमंत्री अशोक गेहलोत यांनी केला होता. त्यानंतर वेगवान घडामोडी घडल्या असून, उपमुख्यमंत्री सचिन पायलट हे २५ आमदारांसह दिल्लीत दाखल झाले आहेत. याबाबत रिपब्लिकने वृत्त दिले आहे.

काँग्रेसला बसणार मोठा धक्का? २५ आमदार दिल्लीत दाखल
sakal_logo
By
अशोक गव्हाणे

नवी दिल्ली : राजस्थानमधील काँग्रेसच्या सत्तेला राजकीय हादरे बसणार असल्याचे चित्र सध्या जाणवू लागले आहे. काँग्रेसचं सरकार पाडण्यासाठी भाजपकडून घोडेबाजाराचा प्रयत्न सुरू असल्याचा धक्कादायक आरोप राजस्थानचे मुख्यमंत्री अशोक गेहलोत यांनी केला होता. त्यानंतर वेगवान घडामोडी घडल्या असून, उपमुख्यमंत्री सचिन पायलट हे २५ आमदारांसह दिल्लीत दाखल झाले आहेत. याबाबत रिपब्लिकने वृत्त दिले आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

सचिन पायलट हे दिल्लीत हजर झाल्याने मध्य प्रदेशमधील राजकीय पॅटर्नची राजस्थानातही पुनरावृत्ती होते की काय अशी चर्चा सध्या सुरू झाली आहे. तत्पूर्वी, राजस्थानातील काँग्रेस सरकार पाडण्याच्या कथित प्रयत्नांच्या प्रकरणात पोलिसांच्या विशेष संचालन  गटाने चौकशी सुरू केली असून मुख्यमंत्री अशोक गेहलोत व उपमुख्यमंत्री सचिन पायलट यांना म्हणणे सादर करण्यासाठी नोटिसा देण्यात आल्या आहेत. सरकारचे प्रमुख अधिकारी महेश जोशी यांनाही नोटीस जारी करण्यात आली आहे.

मिळालेल्या माहितीनुसार, कमीत कमी १० ते १२ आमदार व इतरांनाही नोटिसा जारी करण्यात येणार आहेत. चौकशीत असे निष्पन्न झाले की, दोन ते तीन आमदार हे भाजपच्या वतीने इतर आमदारांना पैसे देऊन वळविण्यात सामील होते. त्यांची नावे जाहीर करण्यात आलेली नाहीत. या प्रकरणात भ्रष्टाचार प्रतिबंधक कायद्यान्वये कारवाई करण्यात येणार असल्याचे सांगण्यात आले आहे.

दरम्यान, विशेष गटाने सरकार पाडण्याच्या प्रयत्नांबाबत दोन जणांवर गुन्हा दाखल केला असून त्यांना ताब्यात घेण्यात आले आहे. हे दोन जण गेहलोत यांचे सरकार पाडण्यासाठीच्या घोडेबाजारात सामील असल्याचे सांगण्यात येत आहे.