Udaipur ₹2 Crore Bribery Case : एसीबीच्या जाळ्यात सापडला मोठा मासा? तब्बल 2 कोटी रुपयांची घेतली लाच; एसओजी अधिकाऱ्याच्या नावाने पैसे घेणारा दलाल जाळ्यात

उदयपूर : राजस्थानमधील उदयपूर येथे लाचलुचपत प्रतिबंधक विभागाने (एसीबी) मोठी कारवाई करत एका कथित दलालाला २ कोटी रुपयांची लाच स्वीकारताना रंगेहाथ अटक (Udaipur Rajasthan ACB ₹2 crore bribe case) केली. सज्जन कुमार असे अटक करण्यात आलेल्या आरोपीचे नाव आहे. ही रक्कम अतिरिक्त पोलीस अधीक्षक (एसओजी) मुकेश कुमार सोनी यांच्या नावाने स्वीकारली जात असल्याचा प्राथमिक दावा करण्यात आला आहे. मात्र, संबंधित आरोपी हा एएसपीचा दलाल असल्याच्या दाव्याची स्वतंत्र पुष्टी झालेली नाही.