देशात सध्या नीट परीक्षेदरम्यान मुलांची अंतर्वस्त्रं काढायला लावल्याबद्दलचा वाद ताजा असतानाच नव्या वादाला तोंड फुटलंय. राज्यस्थानात रीट परीक्षेदरम्या मुलींना ओढण्या आणि मुलांना शर्ट काढायला लावल्याची माहिती मिळत आहे. परिक्षार्थ्यांना मंगळसूत्र आणि कानातलेही काढायला सांगितलं आहे. (Rajasthan REET Exam)
धौलपूरमध्ये रीट परीक्षेसाठी (REET Exam) २२ केंद्रं होती. परीक्षार्थ्यांना परीक्षा सुरू होण्याआधी दोन तास प्रवेश देण्यात आला. जी मुलं परीक्षा देण्यासाठी फुल बाह्यांचा शर्ट घालून आली होती, त्यांना शर्ट काढायला सांगितला. तर महिला आणि मुलींना मंगळसूत्र, कानातले काढण्यास सांगण्यात आलं. तसंच ओढण्या, बँडेज, क्लिप हेही काढायला सांगितलं आणि मगच प्रवेश दिला.
या परीक्षेदरम्यान मुली रडताना दिसल्या. पूर्ण बाह्यांचा ड्रेस घातलेल्या मुलींच्या ड्रेसच्या बाह्या कापण्यात आल्या. तर हातातले धार्मिक भावनेने बांधलेले दोरेही कापले. उशिरा येणाऱ्या परीक्षार्थ्यांना परीक्षेला बसू दिलं नाही. या मुलामुलींनी खूपदा विनवण्या करुनही त्यांना परीक्षा केंद्रात प्रवेश मिळाला नाही. मग मात्र अनेकजण रडताना दिसत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
