Republic Day Parade 2024 : चिपळूणचे विघ्नहर्ता महिला वादक पथक प्रजासत्ताक दिनाच्या परेडमध्ये आघाडीला

Republic Day Parade 2024 : आज आपला भारत देश ७५ वा प्रजासत्ताक दिन साजरा करत आहे. नुकतीच दिल्लीतील कर्तव्य पथावर परेडला सुरूवात झाली असून ही सुरूवात ‘आवाहन’ नाने झाली आहे.

देशाच्या इतिहासात पहिल्यांदाच या कर्तव्य पथावर १०० हून अधिक महिला कलाकारांनी भारतीय वाद्ये वाजवून या परेडची सुरूवात केली आहे. या महिला कलाकारांनी शंख, नादस्वरम, नगाडा, ढोल-ताशा इत्यादी पारंपारिक वाद्ये वाजवून या परेडची सुरूवात केली.

या वादक पथकामध्ये विविध राज्यांतील महिलांचा समावेश दिसून आला. एएनआयने या संदर्भात ट्विट केले असून याचा व्हिडिओ देखील शेअर केला आहे.

महाराष्ट्रासाठी अभिमानाची बाब म्हणजे या महिलांच्या वाद्य पथकामध्ये महाराष्ट्रातील चिपळूणचे विघ्नहर्ता महिला वादक पथक आघाडीला असल्याचे दिसून आले. या महिलांनी ढोल-ताशा, शंख इत्यादी वाद्ये वाजवत या परेडची दिमाखात सुरूवात केली.