नवी दिल्ली : हरियानातील जमीन व्यवहाराशी संबंधित हवाला प्रकरणी सक्तवसुली संचलनालयाने(ईडी) सलग दुसऱ्या दिवशी काँग्रेसच्या नेत्या सोनिया गांधी यांचे जावई रॉबर्ट वद्रा यांची चौकशी केली..वद्रा यांची सलग साडेपाच तास चौकशी करण्यात आली. दरम्यान गुरुवारी सकाळी ११ वाजता पुन्हा चौकशीसाठी हजर राहण्याची नोटीस ‘ईडी’ने वद्रा यांना दिली आहे..चालत ‘ईडी’ कार्यालयातरॉबर्ट वद्रा यांच्या पत्नी प्रियांका गांधी तसेच काँग्रेसच्या काही कार्यकर्त्यांसोबत ते घरापासून चालत ‘ईडी’च्या कार्यालयात पोहोचले. गांधी घराण्याशी संबंध असल्यामुळे आपणास लक्ष्य केले जात असल्याचा आरोप वद्रा यांनी नंतर पत्रकारांशी बोलताना केला..Indian Railways : विक्रमी वेळेत पूर्ण केला बोगदा; ऋषिकेश-कर्णप्रयाग दरम्यान मार्गासाठी ‘टीबीएम’चा वापर .‘तपासयंत्रणांचा गैरवापर’‘‘आतापर्यंत मी १५ वेळा ‘ईडी’च्या चौकशीला सामोरा गेलो आहे. तसेच २३ पानांची कागदपत्रे सादर केली आहेत. मात्र तरीही वारंवार मला चौकशीसाठी बोलावले जात आहे. थोडक्यात सरकारकडून तपास संस्थांचा गैरवापर सुरू आहे,’’ अशी टीका वद्रा यांनी केली. लवकरच मी राजकारणात प्रवेश करणार आहे, असेही त्यांनी एका प्रश्नाच्या उत्तरादाखल सांगितले. ही कारवाई सूडबुद्धीने होत असल्याचा आरोप वद्रा यांनी केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
