व्हायरल व्हिडिओमुळे चर्चेत आलेल्या प्रदीपचं स्वप्न पूर्ण होणार...

नवी दिल्ली : सोशल मीडियावर व्हायरल झालेल्या प्रदीप मेहराला आर्मी भरतीसाठी निवृत्त लष्करी आधिकारी मदत करणार आहेत. स्वप्न पाहणं सोप असेल परंतू स्वप्न प्रत्यक्षात आणण्यासाठी प्रचंड कष्ट घेण्याची तयारी हवी. आपलं आर्मीभरतीचं स्वप्न प्रत्यक्षात आणण्यासाठी धडपडणाऱ्या एकोणीस वर्षीय युवक प्रदीप मेहराचा व्हिडिओ संपूर्ण देशाने पाहिला. सोशल मीडियावर अनेकांनी त्याचं कौतुक केलं. आर्मीमध्ये भरती होण्याचं स्वप्न पूर्ण करण्यासाठी, कामाचं ठिकाण ते घर असं रोज दहा किलोमीटर पळत जाणाऱ्या प्रदीपला अनेक अडचणींना तोंड द्यावं लागत आहे.

मात्र प्रदीपला आर्मी भरतीसाठी सर्वोतोपरी मदत करण्याची तयारी निवृत्त लेफ्टनंट जनरल सतीश दुआ यांनी दाखवली असून, दुआ यांनी प्रदीप मेहरा या युवकाचा व्हिडिओ ट्वीट करुन मदतीचे आश्वासन दिले आहे. दिग्दर्शक विनोद काप्री यांनी नोएडा भागात मध्यरात्री धावत घरी निघालेल्या प्रदीपचा व्हिडिओ ट्वीट केला होता. त्यानंतर लाखो लोकांनी हा व्हिडिओ पाहिला आहे.