Anti-Sikh Riots Case : शीख विरोधी दंगल प्रकरणात सज्जन कुमार यांची कोर्टाकडून निर्दोष मुक्तता, तरीही तुरुंगातून होणार नाही सुटका

दिल्लीच्या राऊस अव्हेन्यू न्यायालयाने १९८४ च्या शीखविरोधी दंगलींदरम्यान दिल्लीतील जनकपुरी आणि विकासपुरी भागात झालेल्या हिंसाचाराशी संबंधित एका प्रकरणात सज्जन कुमार यांची निर्दोष मुक्तता केली आहे.या हिंसाचारात दोन जणांचा मृत्यू झाला होता. सुनावणीदरम्यान, आरोपी माजी काँग्रेस नेते सज्जन कुमार यांनी स्वतःचा बचाव करत म्हटले की ते निर्दोष आहेत आणि कधीही हिंसाचारात सहभागी नव्हते आणि त्यांच्या स्वप्नातही ते सहभागी होऊ शकले नसते.