पुरी: ओडिशातील पुरी मतदारसंघात भाजपचे उमेदवार संबित पात्रा पराभूत झाले आहेत. बिजू जनता दलाचे उमेदवार पिनकी मिश्र यांनी पात्रा यांनी पात्रांचा 11714 मतांनी पराभव केला आहे. पुरी या मतदारसंघावर 1998 पासून बिजू जनता दलाचे वर्चस्व आहे.
पुरी या मतदारसंघात दोन पक्षांच्या प्रवक्त्यांमध्ये लढाई होती. या मतदारसंघात नवीन पटनाईक यांच्या बिजू जनता दलाचे विद्यमान खासदार व प्रवक्ते पिनकी मिश्र आणि भाजपातर्फे संबित पात्रा हे एकमेकांसमोर उभे होते. मिश्रा हे 2009 पासून पुरीतून निवडून येत आहे. संबित पात्रा मुळचे ओडिशाचे असून उत्तर प्रदेशमधील नुकसान भरुन काढण्यासाठी भाजपने ओडिशा आणि पश्चिम बंगाल या राज्यांवर लक्ष केंद्रीत केले होते. संबित पात्रा हे भाजपचे प्रवक्ते म्हणून देशभरात परिचित आहेत. त्यामुळे या लढतीकडे सर्वांचे लक्ष लागले होते.
पुरी लोकसभा मतदारसंघातून पिनकी मिश्र यांना 05 लाख 38 हजार 621 मते मिळाली. तर पात्रा यांना 5 लाख 26 हजार 607 मते मिळाली आहेत. या मतदारसंघातील काँग्रेसचे उमेदवार सत्यनारायण नायक यांना केवळ 44599 मते मिळाली आहेत. तर बहुजन समाज पक्षाच्या नृसिंह चरण दास यांना 6259 मते मिळाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.