Sansad Ratna Awards 2023: संसदरत्न पुरस्कारांसाठी १३ खासदारांना नामांकन; महाराष्ट्रातून 'यांचा' समावेश

नवी दिल्ली : संसदरत्न पुरस्कार २०२३ साठी देशभरातील १३ खासदारांना नामांकन जाहीर झालं आहे. यामध्ये महाराष्ट्रातील चार खासदारांचा समावेश आहे. आठ लोकसभा आणि पाच राज्यसभेच्या खासदारांचा यामध्ये समावेश आहे. (Sansad Ratna Awards 2023 13 MPs nominated Including four from Maharashtra)

केंद्रीय मंत्री अर्जुन मेघवाल यांच्या अध्यक्षतेखाली आणि माजी मुख्य निवडणूक आयुक्त एस. कृष्णमूर्ती यांच्या अध्यक्षतेखालील ज्युरीनं या खासदारांना नामांकित केलं आहे. ज्या खासदारांना नामांकित करण्यात आलं आहे, त्यामध्ये १७ व्या लोकसभेच्या सुरुवातीपासून हिवाळी अधिवेशन २०२२च्या शेवटापर्यंत संसदेत विचारण्यात आलेले प्रश्न, खासगी विधेयकं आणि त्यावरील डिबेटमधील प्रभावशाली सहभागावर आधारित असतं.

लोकसभेतील 'या' खासदारांना नामांकन

भाजप - बिद्युत बरन महतो, डॉ. सुकांत मुजुमदार

काँग्रेस - अधीर रंजन चौधरी, कुलदीपराय शर्मा, विजयकुमार गावित, गोपाळ शेट्टी, सुधीर गुप्ता

राष्ट्रवादी काँग्रेस - डॉ. अमोल कोल्हे

राज्यसभेतील 'या' खासदारांचा सन्मान

सीपीएम - जॉन ब्रिट्स

राजद - मनोज झा

राष्ट्रवादी - फौजिया खान

सपा - विश्वंभर निषाद

काँग्रेस - छाया वर्मा

त्याचबरोबर लोकसभेच्या वित्त समितीचे अध्यक्ष जयंत सिन्हा आणि परिवहन, पर्यटन आणि सांस्कृतीक समितीचे अध्यक्ष विजयसाई रेड्डी यांच्या नावाचाही यामध्ये समावेश आहे.

अब्दुल कलाम यांच्या सुचनेनुसार झाली सुरुवात

माजी राष्ट्रपती दिवंगत डॉ. एपीजी अब्दुल कलाम यांच्या सूचनेनुसार उत्कृष्ट कामगिरी करणाऱ्या खासदारांना संसदरत्न पुरस्कारानं गौरविण्यात येत आहे. आजवर ९० खासदारांना या पुरस्कारानं सन्मानित करण्यात आलं आहे.