Shashi Tharoor: नसबंदीची मोहीम अन्यायकारक; काँग्रेस नेते शशी थरूर यांची लेखातून आणीबाणीवर टीका

नवी दिल्ली: आणीबाणीचा काळ ही केवळ काळा अध्याय म्हणून नाही तर त्यापासून धडा घ्यायला हवा, असे खासदार शशी थरूर यांनी सांगत या काळात राबविलेली नसबंदीची मोहीम ही अन्यायाचे उदाहरण होते, अशा शब्दांत टीका केली. .मल्याळम भाषेतील वर्तमानपत्र ‘दीपिका’ मध्ये शशी थरूर यांनी लेख लिहिला असून या माध्यमातून टीका केली आहे. दरम्यान काँग्रेसच्या नेत्यानी थरूर यांच्या लेखावर टीका करत पक्षी आता ‘पोपट’ झाला आहे, असे म्हटले आहे..यात त्यांनी शिस्त आणि व्यवस्थेची घडी बसविण्यासाठी अंमलात आणलेले निर्णय कधी कधी धोकादायक ठरतात आणि ते कोणत्याही स्थितीत मान्य करता येणार नाही, असे म्हटले आहे. पाच दशकांपूर्वी २५ जून १९७५ रोजी तत्कालीन पंतप्रधान इंदिरा गांधी यांनी आणीबाणी लागू केली आणि ती २१ मार्च १९७७ पर्यंत लागू होती. या काळात केंद्राने अनेक कठोर निर्णय घेतले होते..त्यांनी लेखात म्हटले, ‘‘इंदिरा गांधी यांचे चिरंजीव संजय गांधी यांनी जबरदस्तीने नसबंदी मोहीम राबविण्याचा घेतला आणि ती मोहीम अन्यायकारक होेती. ग्रामीण भागात लक्ष्य पूर्ण करण्यासाठी ग्रामस्थांवर दबाव आणला गेला आणि प्रसंगी दमनशाहीचा वापर केला गेला. .Siddaramaiah: सिद्धरामय्यांचा दिल्ली दौरा; मुख्यमंत्रिपदावरून पुन्हा चर्चा सुरू!.नवी दिल्लीसारख्या शहरातील झोपडपट्ट्य़ा तोडण्यात आल्या. हजारो नागरिक बेघर झाले आणि ते उघड्यावर पडले. त्यांच्याकडे लक्ष दिले नाही. लोकशाहीला कमी लेखण्याचा प्रयत्न करू नये. हा एक अनमोल वारसा असून तो जपणे गरजेचे आहे. सत्तेचे केंद्रीकरण करत विरोधाचा आवाज दाबणे व राज्यघटनेकडे दुर्लक्ष केल्याने निर्माण झालेला असंतोष हा अनेक रुपातून पुन्हा समोर येऊ शकतो. ’’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.