कुलू : हिमाचल प्रदेशातील कुलू येथे आज संध्याकाळी दरड कोसळून सहा जणांचा मृत्यू झाला, तर काही जण जखमी झाले. जखमींवर खासगी रुग्णालयात उपचार सुरू आहेत. कुलूमधील मणिकरन साहिब गुरुद्वारासमोरील रस्त्याच्या कडेला असलेल्या कट्ट्यावर संध्याकाळी काही नागरिक बसलेले असतानाच पाच वाजताच्या सुमारास दरड कोसळली. दरडीमुळे डोंगर उतारावरील मोठे वृक्ष उन्मळून घरंगळत खाली आले आणि नागरिक व पर्यटक त्याखाली दबले गेले. यामध्ये सहा जणांचा मृत्यू झाला असून त्यापैकी तिघी महिला आहेत.