स्मृती इराणींचं मोदींच्या राजीनाम्यासाठी उपोषण अन् भाजपमध्ये झालेला राडा | Sakal
sakal

बोलून बातमी शोधा

Smriti Irani 2004 demanding resignation Modi

स्मृती इराणींचं मोदींच्या राजीनाम्यासाठी उपोषण अन् भाजपमध्ये झालेला राडा

महागाईच्या मुद्यावरून केंद्रीय मंत्री स्मृती इराणींच्या पुण्यातील कार्यक्रमात राष्ट्रवादी काँग्रेसच्या महिला कार्यकर्त्यांनी राडा घातला. यावेळी भाजप आणि राष्ट्रवादी काँग्रेसच्या कार्यकर्त्यांमध्ये हाणामारी झाल्याचेही समोर आले. हा प्रकार बालगंधर्व रंगमंदिर येथे सायंकाळी साडेसहाच्या सुमारास घडला. याप्रकरणी राष्ट्रवादीच्या महिला कार्यकर्त्यांना ताब्यात घेण्यात आले आहे. स्मृती इराणी केवळ भाजपच्या खासदार नाहीत, तर केंद्रीय मंत्री आहेत.

स्मृती इराणी यांचा जन्म 23 मार्च 1976 रोजी दिल्लीत मध्यमवर्गीय कुटुंबात झाला. त्याचे वडील पंजाबी आणि आई बंगाली आहे. तीन भावंडांमध्ये स्मृती सर्वात मोठया होता. कुटुंबाला आर्थिक हातभार लावण्यासाठी स्मृती यांनी दहावीनंतरच कामाला सुरुवात केली. त्या ब्युटी प्रोडक्ट्सची जाहिरात करायची आणि त्या बदल्यात दिवसाला 200 रुपये मिळवायची. 1998 मध्ये स्मृती 'मिस इंडिया' स्पर्धेत सहभागी झाल्या होती, पण ती अंतिम फेरीत पोहोचू शकली नाही. यानंतर स्मृतींनी मुंबईला जाण्याचा निर्णय घेतला. मुंबईत आल्या नंतर मनोरंजन इंडस्ट्री ऑडिशन देऊ लागले. त्यावेळेस एकताच्या 'क्योंकी सास भी कभी बहू थी' या मालिकेतून स्मृती इराणी सर्वांच्या घरोघरी पोचल्या. त्याशिवाय स्मृतीने डान्स रिअॅलिटी शो 'ये है जलवा' हा होस्ट केला होता. यानंतर प्रमोद महाजन यांच्या साह्याने स्मृती इराणी यांनी 2003 मध्ये भाजपमध्ये प्रवेश केला.

स्मृती इराणी यांनी 2004 मध्ये दिल्लीतील चांदनीचौक मतदारसंघातून कपिल सिब्बल यांच्या विरोधात लोकसभा निवडणूक लढल्या होत्या. स्मृती इराणी यांचा त्या निवडणुकीत दारुण पराभव झाला. त्यानतंर त्यांना 2004 मध्ये त्यांना भाजप युवा मोर्चाच्या महाराष्ट्र युनिटचे उपाध्यक्ष बनवण्यात आले. 2004 च्या लोकसभा निवडणुकीत भाजपच्या पराभवानंतर स्मृती इराणी यांनी असा निर्णय घेतला होता की, ज्यामुळे पक्षही अडचणीत आला होता. लोकसभा निवडणुकीतील पराभवासाठी त्यांनी नरेंद्र मोदींना जबाबदार धरले.

2004 मध्ये नरेंद्र मोदी जेव्हा गुजरातचे मुख्यमंत्री होते, त्यावेळेस त्यांना धमकी दिली की, राजीनामा द्या नाहीतर मी आमरण उपोषण करेल. एका महिन्यानंतर लालकृष्ण अडवाणींच्या निवासस्थानी त्यांची आणि मोदींची भेट झाली. तत्कालीन गुजरातच्या मुख्यमंत्र्यांनी तिच्या डोक्यावर हात ठेवून तिला ‘गुजरातची बेटी’ म्हटले आणि तेव्हापासून त्या शांत झाल्या आणि त्यांनी आमरण उपोषण मागे घेतले. त्याचं वर्षी भाजप त्यांना युवा मोर्चाच्या महाराष्ट्र युनिटचे उपाध्यक्ष बनवले. त्यानंतर पाच वेळा भाजपच्या केंद्रीय समितीच्या कार्यकारिणी सदस्य झाल्या. 2010 मध्ये त्यांना भाजपचे राष्ट्रीय सरचिटणीस बनवण्यात आले. ऑक्टोबर 2011 मध्ये त्या गुजरातमधून राज्यसभेच्या सदस्य झाल्या.

2014 च्या लोकसभा निवडणुकीत त्यांनी काँग्रेस उपाध्यक्ष राहुल गांधी यांच्या विरोधात त्यांचा बालेकिल्ला असलेल्या अमेठीमध्ये निवडणूक लढवली होती. त्यामध्ये त्याचा पराभव झाला असला तरी त्यांनी राहुल गांधींना कडवे आव्हान दिले होते. परत 2019 लोकसभा निवडणूक मध्ये काँग्रेस अध्यक्ष राहुल गांधी यांचा पारंपरिक अमेठी मतदारसंघातून केंद्रीय मंत्री स्मृती इराणी उभ्या राहिल्या. आणि 38,449 मतांच्या फरकाने राहुल गांधीचा पराभव केला. विजयानंतर 43 व्या वर्षी कॅबिनेट मंत्री म्हणून शपथ घेतली तेव्हा स्मृती इराणी 2019 च्या मंत्रिमंडळातील सर्वात तरुण मंत्री होत्या.

Web Title: Smriti Irani 2004 Demanding Resignation Of Gujarat Chief Minister Narendra Modi

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top