आझम, शिवपाल यांची बैठकीकडे पाठ | Sakal
sakal

बोलून बातमी शोधा

Socialist Party Uttar Pradesh Budget session Legislative Assembly from today Azam Khan Akhilesh Yadav Shivpal Singh

आझम, शिवपाल यांची बैठकीकडे पाठ

लखनौ : समाजवादी पक्षाच्या आमदारांच्या बैठकीकडे वरिष्ठ आमदार आझम खान आणि नाराज नेते तसेच पक्षाध्यक्ष अखिलेश यादव यांचे काका शिवपाल सिंह यांनी रविवारी पाठच फिरविली. उत्तर प्रदेश विधानसभेच्या सोमवारपासून सुरु होणाऱ्या अर्थसंकल्पी अधिवेशनाच्या पार्श्वभूमीवर ही बैठक झाली. आझम यांनी शुक्रवारी तुरुंगातून सुटका झाली. सर्वोच्च न्यायालयाने त्यांना जामीन मंजूर केला. ते प्रकृतीच्या कारणावरून अनुपस्थित राहिल्याचे एका नेत्याने सांगितले, मात्र आझम मुलगा अब्दुल्ला याच्यासह रामपूर दौऱ्यावर गेल्याचे दिसून आले.

वेगवेगळ्या गुन्ह्यांत गजाआड असलेल्या समर्थकांना ते भेटणार आहेत. अखिलेश यांनी आझम तसेच मुस्लिम समाजाकडे दुर्लक्ष केल्याचा आरोप आझम यांच्या समर्थकांनी अलीकडेच केला होता. शिवपाल यांनी अखिलेश यांच्याबरोबरील मतभेद कायम राहिल्यामुळे आधीच्या बैठकीलाही हजेरी लावली नव्हती. शिवपाल यांनी २०१७च्या विधानसभा निवडणुकीपूर्वी अखिलेश पक्षाबरोबर फारकत घेतली होती. त्यांनी प्रगतिशील समाजवादी पक्ष (लोहिया) हा नवा पक्ष काढला. यावेळची निवडणूक मात्र त्यांनी सपच्या चिन्हावर लढविली होती. दरम्यान, सपचे आमदार रविदास मेहरोत्रा यांनी सांगितले की, आझम आणि त्यांचा मुलगा अब्दुल्ला सोमवारी अधिवेशनाला उपस्थित राहतील.

आझम हे अखिलेश यांच्या डाव्या बाजूला बसून मुद्दे मांडतील. आधी ते सदस्यत्वाची शपथ घेतील. शिवपाल यांच्याबद्दल ते म्हणाले की, याआधीही ते एका बैठकीला आले नव्हते. या बैठकीत अखिलेश यांनी आमदारांना मार्गदर्शन केले.

आझम यांची नाराजी उघड

आझम यांनी तुरुंगात असताना पक्षाचे आमदार रविदास मेहरोत्रा यांची भेट घेतली नव्हती. त्यानंतर मात्र ते काँग्रेस नेते प्रमोद कृष्णन यांना भेटले होते. त्यामुळे ते सपवर नाराज असल्याचे उघड झाले.

Web Title: Socialist Party Uttar Pradesh Budget Session Legislative Assembly From Today Azam Khan Akhilesh Yadav Shivpal Singh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top