प्रतापगड (उत्तर प्रदेश): राज्यात पावसामुळे नदी, ओढे तुडुंब भरून वाहात असून, अनेक ठिकाणी पुरजण्य परिस्थिती आहे. पुराच्या पाण्यात अनेकजण धाडसी कृत्य करायला जातात. पुराच्या पाण्यात वाहून गेल्यामुळे अनेकांना जीव गमवावा लागला आहे. असाच एक व्हिडिओ सोशल मीडियावर व्हायरल होत आहे.
प्रतापगड जिल्ह्यातील पानमोडी गावात एक 25 वर्षीय युवक झाडांना बांधलेल्या दोरीवरून वाहत्या पाण्यात स्टंट करायला गेला. दोरीचा हात सुटला आणि पाण्यात वाहून गेला. सुदैवाने जीव बचावला आहे. पण, हे धाडसी कृत्य जीवावर बेतले असते. व्हायरल झालेल्या व्हिडिओमध्ये युवक दोरीने नदी पार करण्याचा प्रयत्न करत असल्याचे दिसते. मात्र, पाण्याचा प्रवाह खूप असल्यामुळे दोरीही पाण्याबरोबर वाहत होती. या परिस्थितीतही युवक स्टंटबाजी करत नदी पार करण्याचा प्रयत्न करत होता. नदी जवळजवळ पार केली. पण, किनाऱ्याजवळ पोहचताच त्याचा हात सुटला आणि पाण्याबरोबर वेगात वाहून गेला. युवकाला वाहत जाताना पाहून त्याच्या मित्रांनी वाचवण्यासाठी पाण्यात उड्या टाकल्या. युवक पाण्याच्या प्रवाहाबरोबर तब्बल 1 किमी लांब वाहून गेला होता. पुढे सुदैवाने त्याच्या हाताला एका झाडाची फांदी लागली. फांदीला पकडल्यामुळे थोडक्यात जीव वाचला. दरम्यान, संबंधित व्हिडिओ व्हायरल झाल्यानंतर गावकऱ्यांनी युवकांना नदीवर जाण्यास बंदी घातली आहे. शिवाय, नेटिझन्सनी प्रतिक्रियांच्या माध्यमातून टीकाही केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.