Ranveer Allahbadia : नैतिकता अन् शिष्टाचार पाळा : न्यायालय; अलाहाबादियाची कानउघाडणी, कार्यक्रमाला परवानगी

नवी दिल्ली : ‘इंडियाज गॉट लॅटेंट’ या रिॲलिटी शोमधील आक्षेपार्ह विधानांमुळे वादाच्या भोवऱ्यात सापडलेला पॉडकास्टर रणवीर अलाहाबादिया याला सर्वोच्च न्यायालयाने आज दिलासा दिला आहे..रणवीरच्या ‘दि रणवीर शो’ या कार्यक्रमाला न्यायालयाकडून हिरवा झेंडा दाखविण्यात आला असून कार्यक्रमाच्या आयोजकांनी नैतिकता आणि शिष्टाचाराचे पालन करावे असे न्यायालयाने म्हटले आहे. न्या. सूर्यकांत आणि न्या. कोटीश्वरसिंह यांच्या पीठासमोर याप्रकरणी सुनावणी झाली..आजच्या सुनावणीदरम्यान अलाहाबादिया याने केवळ पॉडकास्ट हाच आपल्या रोजीरोटीचा एकमेव मार्ग असून आपल्यावर २८० लोकांची पोटे अवलंबून असल्याचे नमूद केले. न्यायालयाने पुढील आदेश येईपर्यंत अलाहाबादियाला अटकेपासून संरक्षण दिले असले तरीसुद्धा त्याला गुवाहाटीमध्ये चौकशी प्रक्रियेला सामोरे जावे लागेल..केंद्र आणि महाराष्ट्र, आसाम आणि ओडिशा या राज्यांच्यावतीने युक्तिवाद करणारे सॉलिसिटर जनरल तुषार मेहता म्हणाले की ‘इंडियाज गॉट लॅटेंट’ या रिॲलिटी शोमध्ये सहभागी झालेल्यांनी केलेली वक्तव्ये ही केवळ आक्षेपार्हच नाहीत तर ती विकृत स्वरूपाची देखील आहेत..त्यामुळे अशा कार्यक्रमांवर ज्या नियमांन्वये बंदी घालण्यात आली आहे त्या नियमांमध्ये न्यायालयाने सुधारणा करता कामा नये. काही काळ त्यांना शांत राहू द्या. यावेळी न्यायालयाने अलाहाबादिया याच्यावतीने युक्तिवाद करणाऱ्या विधिज्ञ अभिनव चंद्रचूड यांना सांगितले की मूलभूत अधिकार असे फुकटात थाळीमध्ये टाकले जात नाहीत त्याच्याबरोबर नियम व निर्बंधही येतात. दरम्यान रणवीरने परदेशात जाण्याची परवानगी मागितली होती पण न्यायालयाने त्याला नकार दिला आहे..याचिकांवर सुनावणी होणारकेंद्र सरकारने मध्यंतरी मूळ कंटेंट निर्मात्यांची बाजू ऐकून न घेताच काही सोशल मीडिया अकाउंट आणि कंटेंट ब्लॉक करण्याचा निर्णय घेतला होता. सरकारच्या या निर्णयास सर्वोच्च न्यायालयामध्ये आव्हान देण्यात आले होते. न्यायालयाने याबाबतच्या याचिकांवर सुनावणी घेण्याची तयारी दर्शविली आहे. याप्रकरणी सर्वोच्च न्यायालयाने केंद्र सरकारला नोटीस बजावली आहे..Amravati News : आजपासून समग्र शिक्षा अभियानाचे काम बंद आंदोलन,राज्यभरातील तीन हजारांवर कर्मचारी संपावर.भाष्य करण्यास मनाईन्या. सूर्यकांत म्हणाले की या प्रकरणातील एक आरोपी हा कॅनडामध्ये गेला होता त्याने तिथे या खटल्याबाबत भाष्य केले आहे. या तरुण मंडळींना वाटते आपण कालबाह्य झालो आहोत पण त्यांना कसे हाताळायचे हे आपल्याला चांगलेच ठावूक आहे. न्यायालयास तुम्ही हलक्यामध्ये घेऊ नका. न्यायालयाने रणवीर अलाहाबादिया याला देखील या खटल्याबाबत माध्यमांमध्ये काही बोलू नका अशी तंबी दिली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.