ऑल्ट न्यूजच्या झुबेर यांना दिलासा; पुढील सुनावणीपर्यंत जामीनाला मुदतवाढ

Mohammed Zubair Latest News
Mohammed Zubair Latest NewsMohammed Zubair Latest News
Updated on

नवी दिल्ली - ऑल्ट न्यूजचे सहसंस्थापक मोहम्मद जुबेर (Mohammad Zubair) यांना सर्वोच्च न्यायालयाकडून दिलासा मिळाला आहे. न्यायालयाने त्यांच्या अंतरिम जामिनाला पुढील आदेशापर्यंत मुदतवाढ दिली आहे. झुबेर यांच्या याचिकेवर आता ७ सप्टेंबरला सुनावणी होणार आहे. शिवाय झुबेर यांच्या याचिकेवर उत्तर देण्यासाठी न्यायालयाने उत्तर प्रदेश सरकारला चार आठवड्यांची मुदत दिली आहे. (Mohammad Zubair News in marathi)

Mohammed Zubair Latest News
मगरीने 8 वर्षांच्या मुलाला अख्ख गिळलं; संतप्त गावकऱ्यांनी मगरीला ठेवलं बांधून

जुबेरने 2018 मध्ये हिंदू देवतेविरोधात केलेल्या आक्षेपार्ह ट्विटशी संबंधित प्रकरणात जामीन अर्ज दाखल केला होता. 2 जुलै रोजी न्यायदंडाधिकारी न्यायालयाने जुबेरचा जामीन अर्ज फेटाळून त्यांना 14 दिवसांची न्यायालयीन कोठडी सुनावली होती. न्यायदंडाधिकारी न्यायालयाने झुबेरवरील आरोपांचे स्वरूप आणि गंभीरतेचा हवाला दिला होता. तसेच प्रकरण तपासाच्या सुरुवातीच्या टप्प्यावर असल्याचं सांगत न्यायालयाने झुबेरला पाच दिवसांची कोठडी सुनावली होती.

दरम्यान अलाहाबाद उच्च न्यायालयाच्या आदेशाला आव्हान देत मोहम्मद झुबेर यांनी केलेल्या याचिकेवर सुप्रीम कोर्टात सुनावणी झाली. कथितपणे महंत बजरंग मुनी, नरसिंहानंद सरस्वती आणि आनंद स्वरूप यांना 'द्वेषाचे जनक' म्हणून संबोधल्याबद्दल उत्तर प्रदेश पोलिसांनी त्यांच्याविरुद्ध एफआयआर नोंदवला होता. तो रद्द करण्याची मागणी अलाहबाद उच्च न्यायालयाने नकारली होती. त्याला आव्हान देणारी याचिका झुबेर यांनी सर्वोच्च न्यायालयात दाखल केली होती.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com