Supreme Court: अनुकंपा तत्त्वावर नियुक्तीबाबत सर्वोच्च न्यायालयाने मोठा निर्णय दिला आहे. एका पेक्षा जास्त घरं आणि अनेक एकर जमीन असलेल्या तरुणाला वडिलांच्या निधनानंतर नोकरी देण्यास सर्वोच्च न्यायालयाने नकार दिला. याचिकाकर्त्याने मागणी केली होती की वडिलांच्या निधनानंतर त्यांच्या जागी अनुकंपा तत्वावर नियुक्ती व्हावी. सर्वोच्च न्यायालयाने याआधीही स्पष्ट केलं होतं की, अनुकंपा नियुक्तीला अधिकार म्हणून पाहू नये. तसंच अशा नियुक्तीसाठी उमेदवारांनी निकष पूर्ण करायला हवेत.