NEET Exam 2022 | NEET अवघ्या काही दिवसांवर; जाणून घ्या अभ्यासाच्या काही टिप्स! | Sakal
sakal

बोलून बातमी शोधा

NEET PG Exams Updates
NEET अवघ्या काही दिवसांवर; जाणून घ्या अभ्यासाच्या काही टिप्स!

NEET अवघ्या काही दिवसांवर; जाणून घ्या अभ्यासाच्या काही टिप्स!

सर्वोच्च न्यायालयात आज NEET-PG 2022 ही परीक्षा पुढे ढकलण्याच्या याचिकेवर सुनावणी करण्यात आली. २१ मे रोजी होणारी ही परीक्षा पुढे ढकलण्यात यावी अशी मागणी विद्यार्थ्यांनी केली होती. मात्र सर्वोच्च न्यायालयाने त्यांची ही याचिकाच फेटाळली आहे. त्यामुळे विद्यार्थ्यांनी परीक्षेच्या तयारीला सुरुवात करण्याची गरज आहे.

NEET परीक्षेला आता अवघे काही दिवस राहिले आहेत. त्यामुळे विद्यार्थ्यांनी पूर्ण क्षमतेने अभ्यासाला सुरुवात करायला हवी. त्यासाठी जाणून घ्या काही महत्त्वाच्या टिप्स - (How to prepare for NEET-PG Exam in 15 days)

  • विद्यार्थ्यांनी आता जास्तीत जास्त लक्ष रिव्हिजनवर केंद्रित करायला हवं. तसंच ज्या विषयांमधला आपला थोडा कमी अभ्यास झालाय, त्यावर अधिक लक्ष केंद्रित करायला हवं.

  • आता शेवटचे काही दिवस राहिलेले असल्याने व्यवस्थित वेळापत्रक तयार करून अभ्यास केला पाहिजे. नुसतंच वेळापत्रक तयार करून उपयोग नाही, तर ते पाळायलाही हवं.

हेही वाचा: NEET PG 2022 : परीक्षा नियोजित वेळेतच होणार, SC ने फेटाळली याचिका

  • परीक्षेच्या दिवसापर्यंत शक्य तेवढ्या मॉक टेस्ट (NEET-PG 2022 Mock Test) सोडवा. यामुळे तुम्हाला परीक्षेचं स्वरुप सविस्तरपणे कळेल आणि वेळेत पेपर सोडवण्याची तयारीही होईल. तुमच्या चुकाही तुमच्या लक्षात येतील.

  • तुम्ही काढलेल्या नोट्स पुन्हा एकदा वाचून काढा. नोट्स काढल्या नसतील तर नव्याने नोट्स काढण्यात वेळ घालवू नका. मॉक टेस्टवर अधिक भर द्या.

  • तुम्हाला ज्या काही शंका असतील, त्या तुमच्या शिक्षकांकडून किंवा मार्गदर्शकांक़डून सोडवून घ्या.

  • शारिरीक आणि मानसिक आरोग्य जपा. परीक्षा जवळ आल्याने अनेक जणांना टेन्शन येतं. यामुळे न खाणं, अति खाणं, नीट झोप न घेणं असं अनेक विद्यार्थी करतात, पण हे परीक्षेच्या दृष्टीने धोकादायक आहे. अशामुळे ऐन परीक्षेत तुम्ही आजारी पडू शकता.

  • त्यामुळे परीक्षेआधीच्या दिवसांमध्ये नियमित झोप घेणं, योग्य आणि चौरस आहार घेणं, मानसिक आरोग्य टिकवण्यासाठी आनंद मिळेल अशा गोष्टी काही काळ करणं आवश्यक आहे.

Web Title: Supreme Court Rejects Plea Seeking To Postpone Neet Exam

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top