नवी दिल्ली : गेल्या अनेक दिवसांपासून NEET PG 2022 ची परीक्षा पुढे ढकलण्याची मागणी होत आहे. ही परीक्षा पुढे ढकला अशी मागणी करणारी याचिका देखील सर्वोच्च न्यायालयात (Supreme Court on NEET PG 2022 Exam) दाखल करण्यात आली होती. पण, न्यायालयाने आज ही याचिका फेटाळून लावली आहे. त्यामुळे परीक्षा ठरलेल्या वेळवेनुसारच होणार आहे.
NEET PG 2021 समुपदेशनात उशीर झाला होता. आता देखील परीक्षेचा दिवस आणि समुपदेशन यामध्ये कमी अंतर असल्यामुळे विद्यार्थी परीक्षेची तारीख पुढे ढकलण्याची विनंती करत आहेत. पण, आता सर्वोच्च न्यायालयाने विद्यार्थ्यांची याचिका फेटाळली आहे. त्यामुळे परीक्षा ठरलेल्या वेळापत्रकानुसार २१ मे रोजी होणार आहे.
विद्यार्थ्यांचं म्हणणं काय? -
NEET परीक्षेसाठी बसलेल्या विद्यार्थ्यांचे म्हणणे आहे की, परीक्षा आणि समुपदेशन यातील कालावधी फारच कमी आहे. आम्ही समुपदेशनाला उपस्थित राहावे की, परीक्षेची तयारी करावी या संभ्रमात आहोत. तसेच या वर्षी एमसीसीने समुपदेशनाचे वेळापत्रक जवळपास ७ वेळा बदलले आहे. अखिल भारतीय आणि राज्य स्तरावर मॉप अप फेरी देखील रद्द करण्यात आली. परीक्षा संस्थांनी निर्माण केलेल्या या अनिश्चिततेमध्ये अभ्यास कसा करायचा? असा प्रश्न विद्यार्थ्यांनी उपस्थित केला होता.
सर्वोच्च न्यायालयाने काय म्हटलं? -
परीक्षा पुढे ढकलल्याने अराजकता आणि अनिश्चितता निर्माण होईल, असे सर्वोच्च न्यायालयाने म्हटले आहे. इतकेच नाही तर त्याचा रुग्णांच्या सेवेवरही परिणाम होईल आणि NEET PG ची तयारी करणाऱ्या २ लाखांहून अधिक विद्यार्थ्यांसाठी हा निर्णय पक्षःपातीपणाचा होईल, असंही न्यायालयानं म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
