नवी दिल्ली- सभागृहात गोंधळ घातल्याप्रकरणी ३३ विरोधक खासदारांचे लोकसभेतून निलंबन करण्यात आले आहे. संपूर्ण हिवाळी अधिवेशनादरम्यान त्यांचे निलंबन कायम असणार आहे.(Thirty three opposition Members of Parliament MPs were suspended from the Lok Sabha for the remainder of the Winter Session)
निलंबित खासदारांमध्ये काँग्रेसचे खासदार अधीर रंजन चौधरी, डीएमकेचे टी आर बालू आणि दयानिधी मरन आणि टीमसीच्या सौगाता रॉय यांचा समावेश आहे. याआधी संसदेत गोंधळ घातल्याप्रकरणी लोकसभेचे तेरा आणि राज्यसभेच्या एका खासदाराचे निलंबन करण्यात आले होते. त्यामुळे हिवाळी अधिनेशनात कारवाई झालेल्या खासदारांची एकूण संख्या ४७ झाली आहे.
अधीर रंजन चौधरी म्हणाले की, माझ्यासह ३३ खासदारांचे निलंबन करण्यात आले आहे. आमची मागणी होती की संसदेतून निलंबित करण्यात आलेल्या १४ खासदारांवरील निलंबनाची कारवाई मागे घेण्यात यावी. मागील आठवड्यात त्यांच्यावर कारवाई करण्यात आली आहे.
केंद्रीय गृहमंत्री अमित शाह यांनी संसदेत येऊन सुरक्षेसंबंधी झालेल्या चुकीबाबत निवेदन सादर करावे अशी आमची मागणी होती. ते नेहमी टीव्हीवर बोलत असतात. मग त्यांनी संसदेतही थोडं बोलावं. सुरक्षेसंबंधी आतापर्यंत काय काराई केली हे सांगावं. या सरकारने मर्यादा ओलांडली आहे. आम्हाला केवळ चर्चा हवी होती, असं चौधरी म्हणाले.
के. जयकुमार, विजय वसंथ, अब्दुल खालिक यांच्यावर सभापतींच्या पोडियमवर चढल्याचा आरोप आहे. संसदीय कार्यमंत्री प्रल्हाद जोशी यांच्या प्रस्तावानंतर खासदारांना निलंबित करण्यात आले. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.