Bomb Threat: बेंगळुरुमधील नामांकित 3 हॉटेल्स हाय अलर्टवर; बॉम्बने उडवून देण्याची मिळाली धमकी

नवी दिल्ली- बेंगळुरुमधील तीन हॉटेल्सना बॉम्बने उडवून देण्याची धमकी मिळाली आहे. टीव्ही रिपोर्टनुसार, ईमेल द्वारे ही धमकी मिळाली आहे. त्यानंतर शोधमोहीम सुरु करण्यात आली आहे. पोलीस, बॉम्ब स्कॉड आणि स्निफर डॉग हॉटेलमध्ये दाखल झाले आहेत.

नामांकित ओटेरा हॉटेलला देखील धमकीचा ईमेल मिळाला आहे. धमकी मिळाल्याची माहिती हॉटेल्सनी पोलिसांना दिली. त्यानंतर पोलीस तात्काळ घटनास्थळी दाखल झाले होते. एएनआयने यासंदर्भातील वृत्त दिलं आहे. सध्या पोलीस आणि बॉम्ब स्कॉड हॉटेलमध्ये आहेत. शोध सुरु आहे. याप्रकरणी अधिक इनपूट मिळालेले नाहीत.

.

काही आठवड्यांपूर्वी बेंगळुरुतील प्रायव्हेट स्कूल बॉम्बने उडवून देण्याची धमकी मिळाली होती. यांसदर्भात स्कूल प्रशासनाला ईमेल पाठवण्यात आला होता. यात दावा करण्यात आला होता की, 'डेस्क आणि बँचच्या खाली स्फोटके ठेवण्यात आली आहेत.' सदर धमकीने एकच खळबळ उडाली होती. पोलिसांनी तात्काळ शोधमोहीम सुरु केली होती. पण, मिळालेली धमकी खोटी असल्याचं समोर आलं होतं.