उत्तर प्रदेशातील बदायूं येथे स्कूल व्हॅन आणि ट्रकची भीषण धडक झाली, ज्यात तीन जणांना मृत्यू झाला आहे. पोलिसांनी या अपघाताची माहिती देताना सांगितले की, आज(मंगळवारी) स्कूल व्हॅन आणि ट्रक यांच्यात समोरासमोर धडक झाली, ज्यामध्ये दोन मुले आणि चालकाचा मृत्यू झाला आहे.
ही घटना सकाळी ९.४५ वाजता बरेली-मथुरा रस्त्यावर मुलांना शाळेत घेऊन जात असताना घडली. वरिष्ठ पोलिस अधीक्षक आलोक प्रियदर्शी यांनी सांगितले की, धडकेनंतर रोडवेज बसनेही व्हॅनला पाठीमागून धडक दिली, ज्यामुळे चालक उमेश (३०), त्याचा मुलगा (२) आणि एका सहा वर्षाच्या मुलाचा मृत्यू झाला आहे.
जखमींना शासकीय वैद्यकीय महाविद्यालयात दाखल करण्यात आले असून त्यांची प्रकृती स्थिर असल्याचे सांगण्यात येत आहे. ही मुले बुटला दौलतपूर येथील कॅप्टन गजराज सिंह मेमोरियल स्कूलचे विद्यार्थी असल्याचे त्यांनी सांगितले आहे.
6 मुलांना गंभीर अवस्थेत बदायूं शासकीय वैद्यकीय महाविद्यालयात दाखल करण्यात आले आहे. ठार झालेल्यांमध्ये स्कूल व्हॅन चालकाच्या मुलाचाही समावेश आहे. बदायूंचे जिल्हा दंडाधिकारी मनोज कुमार यांनी सांगितले की, आज सकाळी ९.४५ च्या सुमारास शाळकरी मुलांना घेऊन जाणारी खासगी स्कूल व्हॅन (इको) ट्रकला धडकली.
व्हॅनची प्रथम ट्रकला धडक बसली आणि त्यानंतर मागून येणाऱ्या रोडवेज बसनेही व्हॅनला धडक दिली. अधिकाऱ्याने सांगितले की, आम्ही प्राधान्याने लहान मुलांवर चांगले उपचार करण्यावर भर देत आहोत. घटनेचा तपास पोलिस करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.