कुत्र्यांमुळे 'कान्हा'तील वाघ संकटात! CD व्हायरसच्या संसर्गाने वाघिणींसह ४ बछड्यांचा मृत्यू; वन्यजीवांना धोका

वाघांसाठी देशभरात प्रसिद्ध असलेल्या कान्हा व्याघ्र प्रकल्पात वाघिणीसह तिच्या चार बछड्यांच्या एकापाठोपाठ एक झालेल्या मृत्युंमुळे खळबळ उडाली आहे. मात्र, टी-१४१ वाघीण व तिच्या बछड्यांचा मृत्यू शिकारीमुळे झाला नसून कॅनाईन डिस्टेंपर व्हायरस (सीडीव्ही) या विषाणूमुळे झाल्याचे समोर आले आहे. अभयारण्याशेजारील गावांमधील कुत्र्यांमधून हा विषाणू वाघांपर्यंत पोचल्याचा वन विभागाचा दावा आहे.