खांडोळा (गोवा): गोव्यातील माशेल पंचक्रोशीत वरुणराजाने काहीशी विश्रांती घेतली तरीही श्री देवकीकृष्ण मैदानावर आबालवृद्ध गोविंदा चिखलाने माखल्याने एकमेकांना ओळखणेही कठीण झाले..माशेल-देऊळवाडा व इतर मंडळींचा सहभाग असलेल्या चिखलकाला-गोपाळकाल्याला आज सकाळी १२ वाजल्यापासून सुरवात झाली.आषाढी एकादशीला येथील देवकीकृष्ण मंदिरातील भजनी सप्ताहाची सांगता चिखलकाला खेळून करण्याची अनोखी पद्धत आहे. .भजनी सप्ताह संपल्यानंतर चिखलात खेळण्यापूर्वी आसपासचे लोक खेळणाऱ्यांना तेल लावतात, ‘गोपाळ गडी या रे’ असे म्हणत सर्व लोक एकत्र येऊन विठ्ठलाचा गजर करीत मंदिराला प्रदक्षिणा घालतात..या उत्सवाला किमान तीन-चार शतकांचा इतिहास असून या चिखलकाल्यात लोकगीते पारंपरिक खेळ, नाच गाणी अशा विविध प्रकारांचा त्यात समावेश आहे. श्रीकृष्णाच्या बालक्रीडांशी निगडित असा हा उत्सव असून आजही त्याचे स्वरूप बदललेले नाही. या उत्सवाला पर्यटक खात्याची साथ लाभल्याने माशेलचा चिखलकाला देश-विदेशात पोचला आहे. यंदाचा चिखलकाला ‘जय विठ्ठल, हरी विठ्ठल’ अशा गजरात नाचत -गोपालकाला अविस्मरणीय ठरला..Sarbananda Sonowal: कलादान प्रकल्प २०२७ पर्यंत सुरू होईल; ईशान्यकडील देश आणि राज्यांतील अंतर कमी होेणार.चिखलात उड्या मारत नाचणे, चेंडू फेक, चिखलातील मनोरंजक चक्र, नवरा-नवरी बनवून विवाह करणे असे विविध खेळ खेळले जातात. जमिनीवर बसून दोन गटात रंगणारी आरोप प्रत्यारोपणाची मजा काही वेगळीच होती. दहीहंडी, एकमेकांना चिखल लावणे, चिखलात लोळणे, यासारखे प्रकार पाहण्यात प्रेक्षकही गुंगून गेले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
