भुवनेश्वर : ओडिशातील पुरी जिल्ह्यातील महिला ट्रॅव्हल व्ल्होगर प्रियांका सेनापती तपास यंत्रणांच्या रडारवर आली आहे. पाकिस्तानसाठी हेरगिरी केल्याप्रकरणी पोलिसांनी व्ल्होगर ज्योती मल्होत्राला नुकतेच ताब्यात घेतले असून, तिच्याशी प्रियांकाच्या असलेल्या कथित संबंधांचा तपास केला जात आहे. प्रियांकाच्या युट्यूब चॅनेलचे १४ हजार ६०० सबस्क्राइबर असून इन्स्टाग्रामवर तिचे वीस हजार फॉलोअर्स आहेत.
