मोदींच्या आभाराचे बोर्ड लावा; UGC चे शिक्षणसंस्थांना आदेश

मुंबई : देशभरात 18 आणि त्यापेक्षा वर्षे वयोगटातील तरुण आणि नागरिकांचे मोफत लसीकरण सुरु करण्यात आले आहे. या लसीकरणा साठी पंतप्रधान नरेंद्र मोदी यांचे आभार व्यक्त करण्याची विद्यापीठ, उच्च शिक्षण संस्था यांच्या कॅम्पसमध्ये बॅनर लावले जावेत, असे निर्देश विद्यापीठ अनुदान आयोगाचे सचिव रजनीश जैन यांनी दिल्या आहेत.या सूचनांची नीट अंमलबजावणी व्हावी, आणि त्यासाठी जैन यांनी एक परिपत्रक जारी केले आहे.

या परिपत्रकात युजीसीने देशातील सर्वच केंद्रीय, राज्यस्तरीय,विद्यापीठे, खाजगी शिक्षण संस्था, स्वायत्त संस्था, महाविद्यालये, तंत्रशिक्षण संस्था आदीमध्ये पंतप्रधान नरेंद्र मोदींचे आभार मानणारे फलक लावण्याचे निर्देश दिले आहेत. मात्र यूजीसीच्या या सूचनांवर राज्यातील विद्यार्थी संघटनांनी तीव्र विरोध केला आहे, एकीकडे विद्यार्थ्यांना अजूनही मोफत लस मिळत नाही अशा स्थितीमध्ये नुसता आपला प्रचार करणे आणि त्यांचे आभार मानण्यासाठी यूजीसीने आग्रह धरणे हे चुकीचे असल्याचे मत विद्यार्थी संघटनांच्या प्रतिनिधींनी कडून व्यक्त करण्यात आले.

पंतप्रधान नरेंद्र मोदींनी दोन आठवड्यापूर्वी देशभरात 21 जूनपासून मोफत लसीकरणाची घोषणा केली होती. त्यानुसार, देशात 21 जून रोजी देशात तब्बल 69 लाख लोकांचे रेकॉर्डब्रेक लसीकरण करण्यात आले आहे. त्याबद्दल मोदींनी ट्विरवरुन देशवासीयांचे अभिनंदन करत वेल डन इंडिया, असेही म्हटले आहे. त्याच पार्श्वभूमीवर यूजीसीने केंद्र सरकारच्या या गतीमान लसीकरण मोहिमेचे आभार मानण्याच्या सूचना विद्यापीठा अनुदान केल्या आहेत.

अशा आहेत सूचना...

पंतप्रधान नरेंद्र मोदी यांचे आभार व्यक्त करणारे फलक सोशल मीडियावरील शैक्षणिक संस्थांच्या वेबपेजवर प्रसिद्ध करावेत,. माहिती व प्रसारण मंत्रालयाचे मान्यताप्राप्त डिझाईन हे हिंदी आणि इंग्रजी भाषेतून उपलब्ध असेल आणि ते सोशल मीडियाला जोडावे. या डिझाईनमध्ये पंतप्रधान नरेंद्र मोदींचा फोटो असून ‘धन्यवाद पीएम मोदी’ असा आशयही लिहिण्यात आला आहे. तो मेसेज या फलकांवर लावण्यात यावा अशा सूचना यूजीसीने दिल्या आहेत.