Yogi adityanath | UP: २५ गायींचा मृत्यू, योगी आदित्यनाथांची संतप्त प्रतिक्रिया; 'आरोपीला...' | Sakal
sakal

बोलून बातमी शोधा

Chief Minister Yogi Adityanath
UP: २५ गायींचा मृत्यू, योगी आदित्यनाथांची संतप्त प्रतिक्रिया; 'आरोपीला...'

UP: २५ गायींचा मृत्यू, योगी आदित्यनाथांची संतप्त प्रतिक्रिया; 'आरोपीला...'

उत्तर प्रदेशातल्या अमरोहामधल्या एका गोशाळेत २५ गायींचा मृत्यू झालाय. तर अनेक गायी गंभीर आजारी पडल्या आहेत. त्यामुळे प्रशासनात चांगलीच खळबळ माजली असून मुख्यमंत्री योगी आदित्यनाथही संतप्त झाले आहेत.

हेही वाचा: पांचजन्य अमृतमहोत्सव; उत्तर प्रदेश हे देशातील क्रमांक १ ची अर्थव्यवस्था; योगी आदित्यनाथ

अमरोहा जिल्ह्याच्या जिल्हाधिकाऱ्यांनी सांगितलं की, विषारी चारा खाल्ल्याने या गायींचा मृत्यू झाला आहे. हा चारा ताहिर नावाच्या एका व्यक्तीकडून खरेदी करण्यात आला होता. त्याच्याविरोधात तक्रार दाखल करण्यात आली आहे. त्याला पकडण्यासाठी विविध ठिकाणी छापेमारी सुरू आहे.

हेही वाचा: UP : शाळकरी विद्यार्थ्यांनी टोळ्या तयार करत ३ महिने घडवले बॉम्बस्फोट; ११ जणांना अटक

या प्रकरणी उत्तर प्रदेशचे मुख्यमंत्री योगी आदित्यनाथ यांनीही या प्रकरणी संताप व्यक्त केला आहे. या प्रकरणाचा सखोल तपास करण्याचे निर्देश त्यांनी दिले आहेत. तसंच ज्या गायी आजारी पडल्या आहेत, त्यांच्या उपचाराची व्यवस्था करण्याचे निर्देशही दिले आहेत. या घटनेसाठी जबाबदार असलेल्या व्यक्तीची सुटका होणार नाहीच, असा इशारा योगी आदित्यनाथ यांनी दिला आहे.

विषारी चारा खाल्ल्याने काही गायींची प्रकृती गंभीर आहे. कपटाने चाऱ्यामध्ये विषारी पदार्थ मिळाल्याची शक्यता वर्तवण्यात येत आहे. सांथलपूरमधल्या गोशाळेतली ही घटना आहे. या गोशाळेत एकूण १८८ पशू नोंदणीकृत आहेत. या गोशाळेत काम करणाऱ्याने चारा विक्रेता ताहिरकडून चारा खरेदी केला होता.

Web Title: Uttar Pradesh 25 Cows Died Cm Yogi Adityanath Angrily Reacts

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..