तीन मुख्यमंत्र्यांनी लढली नाही निवडणूक; हेमा मालिनी म्हणाल्या...

उत्तर प्रदेशमध्ये विधान परिषदेच्या निवडणुका (Uttar pradesh Election) होऊ घातल्या आहेत. यामुळे येथील राजकीय वातावरण चांगलेच तापले आहेत. मोठ्या प्रमाणात सभा घेतल्या जात आहे. अशात मुख्यमंत्री योगी आदित्यनाथ (yogi adityanath) मथुरेतून (Mathura constituency) निवडणूक लढू शकतात, असे बोलले जात आहे. मात्र, याबाबत कोणतीही अधिकृत घोषणा करण्यात आलेली नाही. यावर खासदार हेमा मालिनी (hema malini) यांनी प्रतिक्रिया दिली आहे.

उत्तर प्रदेश विधानसभा निवडणुकीच्या (Uttar pradesh Election) तयारीत सर्वच पक्ष व्यस्त आहेत. अशात भाजपच्या खासदार हेमा मालिनी आठ दिवसांच्या दौऱ्यावर मथुरा (Mathura constituency) लोकसभा मतदारसंघात पोहोचल्या आहेत. यादरम्यान हेमा मालिनी (hema malini) यांनी मथुरा जंक्शन येथे आठ कोटी रुपये खर्चून तयार केलेल्या विकासकामांचे उद्घाटन केले. हेमा मालिनी यांनी उत्तर प्रदेशचे मुख्यमंत्री योगी आदित्यनाथ (yogi adityanath) मथुरेतून विधानसभा निवडणूक लढवणार असल्याच्या अटकळांना जोर धरला आहे. मुख्यमंत्र्यांनी मथुरेतून निवडणूक लढवली तर आमची हिंमत वाढेल, असे त्यांनी म्हटले.

काही दिवसांपूर्वी मुख्यमंत्री योगी आदित्यनाथ यांनी विधानसभा निवडणूक लढवणार असल्याची घोषणा केली होती. मात्र, कोणत्या विधानसभा मतदारसंघातून निवडणूक लढवणार हे सांगितले नाही. परंतु, योगी आदित्यनाथ मथुरेतून निवडणूक लढवू शकतात, असे बोलले जात आहे. खुद्द योगी आदित्यनाथ यांच्यासह मागील तीन मुख्यमंत्र्यांनी विधानसभा निवडणूक लढवली (Uttar pradesh Election) नव्हती हे लक्षात घेण्यासारखे आहे.

मागील तीन मुख्यमंत्र्यांनी निवडणूक लढली नाही

मायावती, अखिलेश यादव आणि योगी आदित्यनाथ यांनी विधानसभा निवडणूक लढवली नाही. तिघेही विधान परिषदेतून सभागृहात पोहोचले आणि मुख्यमंत्री झाले. आधी राज्यसभा नंतर दोनवेळा मथुरा लोकसभेच्या खासदार हेमा मालिनी यांनीही पंतप्रधानांच्या सुरक्षेतील त्रुटींवर प्रश्न उपस्थित केले होते. ही मोठी चूक झाली असून त्यावर कारवाई व्हायला हवी, असे हेमा मालिनी (hema malini) म्हणाल्या.